រសៀលថ្ងៃព្រហស្បតិ៍ ទី០៦ ខែមេសាឆ្នាំ២០២៣ ឯកឧត្ដម វ៉ា ថន អភិបាលខេត្ត និងឯកឧត្តម ហឿ ស៊ី​យ៉ែម ប្រធានក្រុមប្រឹក្សាខេត្ត អញ្ជើញទទួលស្វាគមន៍គណៈប្រតិភូខេត្តប៊ិញភឿក ចូលរួមអបអរសាទរ និងជូនពរក្នុងឱកាសបុណ្យចូលឆ្នាំថ្មីប្រពៃណីខ្មែរ ដឹកនាំដោយ លោកជំទាវ ត្រើន ទ្វេហៀន អនុលេ​ខាធិការគណបក្សខេត្ត និងជាប្រធានគណៈកម្មាធិការប្រជាជនខេត្តប៊ិញភឿក នៃសាធារណរដ្ឋ​សង្គមនិយមវៀតណាម ។

ឯកឧត្ដម វ៉ា ថន អភិបាលខេត្ត សូមថ្លែងអំណរគុណ ដល់កិច្ចសហប្រតិបត្តិការកន្លងមក និងបន្តទៅមុ​ខ​ទៀ​ត អំពីគុណបំណាច់ទាំងនេះជំរុញអោយប្រជាពលរដ្ឋកម្ពុជា មានឱកាសក្នុងការកសាងប្រទេស រហូតមានការអភិវឌ្ឍលើគ្រប់វិស័យព្រមទាំងសង្ឃឹមថាខេត្តក្រចេះ និងខេត្តប៊ិញភឿក ពិតជាបន្តកិច្ចស​ហការ ក្នុងគោលបំណងពង្រឹង និងពង្រីកទំនាក់ទំនងកាន់តែល្អបន្ថែមទៀត រវាងខេត្ត និងខេត្ត ប្រជា​ពលរដ្ឋ និងប្រជាពលរដ្ឋ៕

ប្រភព៖ រដ្ឋបាលខេត្តក្រចេះ