ឯកឧត្តម វ៉ា ថន អភិបាលខេត្តក្រចេះ ដឹកនាំមន្ទីរពាក់ពន្ធ័ចុះចែកអំណោយដល់ពលរដ្ឋរងគ្រោះដោយសារទឹកជំនន់និងចាក់វ៉ាក់សាំងដល់គោ ក្របីចំនួន១០០០ក្បាល នៅស្រុកចិត្របុរី

ប្រជាពលរដ្ឋចំនួន៥ភូមិ ស្មើនឹង១២០គ្រួសារ ក្នុងឃុំបុសលាវ ស្រុកចិត្របុរី ខេត្តក្រចេះ ដែលបានជម្លៀសទៅទីទួលសុវត្ថិភាព(ទួលតាឃីន)ដែលឋិតខាងក្រោយឃុំ បុសលាវ នៅក្នុងអំឡុងជំនន់ទឹកទន្លេមេគង្គឆ្នាំ២០១៨នេះ ដោយមានការគិតគូយកចិត្តទុកដាក់ពីអាជ្ញាធរខេត្តក្រចេះ នៅព្រឹកថ្ងៃទី០២ ខែសីហា ឆ្នាំ២០១៨នេះ ឯកឧត្តម វ៉ា ថន អភិបាលខេត្តក្រចេះ បានដឹកនាំមន្ទីរ អង្គភាព ក្នុងខេត្តចុះសួរសុខទុក្ខ និងចែកអំណោយដល់ប្រជាពលរដ្ឋរងគ្រោះដោយសារទឹកជំនន់ត្រូវបានជម្លៀសទៅទីទួលសុវត្តិភាព និងចាក់វ៉ាក់សាំងដល់សត្វគោ ក្របីចំនួន ១០០០ក្បាល
     
 លោក ហង់ ចាន់ឌី អភិបាលស្រុកចិត្របុរី បានឲ្យដឹងថា ពលរដ្ឋដែលរងគ្រោះដោយសារទឹកជំនន់មានចំនួន១២០គ្រួសារ មកពីភូមិចំនួន០៥ ក្នុងឃុំបុសលាវ ហេីយពលរដ្ឋដែលលិចលង់ខ្លាំងជាងគេមានចំនួន២៥គ្រួសារ។ លោក អភិបាលស្រុកចិត្របុរី បន្តទៀតថា ក្នុងឪកាសដែលឯកឧត្តមអភិបាលខេត្ត អញ្ចើញចុះសួរសុខទុក្ខដល់ប្រជាពលរដ្ឋនោះដែរ សាលាខេត្តបានផ្ដល់ធុងចំរោះទឹកក្នុង១គ្រួសារ ធុង១ ហេីយមន្ទីរសង្គម
កិច្ច បានឧបត្ថម ក្នុង០១គ្រួសារ អង្ក២៥គីឡូ មី១កេះ ទឹកត្រី១យួរ ទឹកសុីអុីវ១យួរ ភួយ១ ត្រីខ១យួរ អំបិល៣កញ្ចប់ ,មន្ទីរសុខាភិបាល បានឧបត្ថម ក្នុង១គ្រួសារ មុង១ និងថ្នាំពេទ្យមួយចំនួន ចំពោះមន្ទីរកសិកម្ម បានជួយចាក់ វ៉ាក់សាំងគោ ក្របីចំនួន១០០០ក្បាល និងថ្នាំព្យាបាលចំនួន២០ដប់ ដោយឡែកខាងកាកបាទក្រហម កម្ពុជា និងសាលាខេត្តក្រចេះ បានឧបត្ថមតង់ចំនួន៣០តង់។

ក្នុងនោះដែរ អភិបាលខេត្តក្រចេះ ឯកឧត្តម វ៉ា ថន មានការគិតគួរយកចិត្តទុកដាក់យ៉ាងខ្លាំងចំពោះពលរដ្ឋ ដែលរស់នៅក្នុងមូលដ្ឋាន បានចុះជួបជាមួយបងប្អូនប្រជាពលរដ្ឋដែលកំពុងជម្លៀសរកទីទួលសុវត្តិភាពនិងបានបញ្ជាឲ្យកម្លាំងក៍ដូចអាជ្ញាធរស្រុក ត្រូវយកចិត្តទុកដាក់ចំពោះបងប្អូនប្រជាពលរដ្ឋនៅតាមមូលដ្ឋានរបស់ខ្លួនដោយត្រៀមលក្នណះសម្ភារះ និងមធ្យោបាយដឹកជញ្ជូនជាប្រចាំទុកសម្រាប់គ្រាមានអាសន្នបន្ទាន់។
គ្រានោះ ឯកឧត្តម អភិបាលខេត្ត បានផ្ដាំផ្ញេីរដល់បងប្អូនប្រជាពលរដ្ឋ ត្រូវចេះថែរក្សាសុខភាព ដោយមានអនាម័យជាប្រចាំ គឺត្រូវផឹកដែលដាំឆ្អិន ឬទឹកដែលបានចំរោះស្អាត ម្ហូបអាហារត្រូវមានអនាម័យល្អជាពិសេស ត្រូវសំរាក់ក្នុងម់ុងគ្រប់ពេល ដើម្បីការពាតនូវជម្ងឺគ្រុនចាញ់ឬគ្រុនឈាមជាដើម។
បន្ទាប់មក ឯកឧត្តម វ៉ា ថន រួមក្រុមការងារ ដែលបានចុះទៅបានចូលរួមចាក់វ៉ាក ការពារជម្ងឺដង្កាត់ផ្សេងៗដល់សត្វគោ ក្របី លើទួលសុវត្ថិភាពនេះ៕

ប្រភពព័ត៌មាន: រដ្ឋបាលខេត្តក្រចេះ (ថ្ងៃទី០២ ខែសីហា ឆ្នាំ២០១៨)

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ