ឯកឧត្តម សួន បវរ អភិបាលខេត្តបន្ទាយមានជ័យ បានអញ្ជើញជាអធិបតីក្នុងពិធីបុណ្យបញ្ចុះខ័ណ្ឌសីមា និងសម្ភោធសមិទ្ធិផលនានា វត្តហេមវ័ន បឹងត្រកួន ស្ថិតនៅភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ ។
      ពិធីកាត់ប្ញសសីមាវត្ត ហេមវ័ន្ត បឹងត្រកួន ស្រុកថ្មពួក ឯកឧត្តម សួនបវរ អភិបាលខេត្តបន្ទាយមានជ័យ បានថ្លែងនូវការកោតសរសើរ ដោយស្មោះចំពោះព្រះគ្រូចៅអធិការ ព្រះគុណម្ចាស់គ្រប់ព្រះអង្គពុទ្ធបរិស័ទជិតឆ្ងាយ ដែលបានចូលរួមកសាងសមិទ្ធផលនានា ក្នុងវត្តអោយលេចចេញយ៉ាងត្រដែតឡើងជាសក្ខីភាព និងសូមថ្លែងនៅអំណរគុណ យ៉ាងជ្រាលជ្រៅចំពោះសប្បុរសជនក្នុងនិងក្រៅប្រទេស ដែលតែងតែបរិច្ចាកថវិការផ្ទាល់ខ្លួន ព្រះតេជព្រះគុណ ព្រះគុណម្ចាស់គ្រប់ព្រះអង្គជាទីគោរពសក្ការៈ ក្នុងការចូលរួមក្នុងវិស័យព្រះពុទ្ធសាសនា គ្រប់ទីកន្លែងក្នុងខេត្តបន្ទាយមានជ័យជារៀងរហូតមក ។ការមានប្រសាសន៍ក្នុងពិធីកាត់ប្ញសសីម៉ា សម្ពោធឆ្លងជាផ្លូវការ នៅវត្តហេមវ័ន បឹងត្រកួន ឃុំគោករមៀត ស្រុកថ្មពួក ខេត្តបន្ទាយមានជ័យ នាព្រឹកថ្ងៃអាទិត្យ ៤ រោច ខែផល្គុន ឆ្នាំច សំរិទ្ធស័ក ព.ស ២៥៦២ ត្រូវនឹងថ្ងៃទី ២៤ ខែ មិនា ឆ្នាំ២០១៩ ដែលព្រះវិហារថ្មីនេះមានទំហំ ១៤ម x ២១ម កំពស់ ១៨ម ផ្តើមកសាង នាឆ្នាំ ២០០៧ បានសាងសង់រួចជាស្ថាពរ ចុងឆ្នាំ២០១៨ បានចំណាយថវិការអស់ ១៨,០០០០ $ ។
      ឯកឧត្ដម សួន បវរ បន្តថាព្រះសាសនាមិនគ្រាន់តែជាទីគោរពសក្ភារះបូជាបុណ្ណោះទេ គឺជាប្រភពបណ្តុះនូវបញ្ញញណ ជាថ្នាលបណ្តុះធនធានមនុស្សគ្រប់សម័យកាល ។ តាមប្រវត្តិសាស្ត្របានបង្ហាញអោយឃើញថា ទីអារាម រួមចំណែកក្នុងការកសាងសង្គមជាតិមួយប្រកបដោយសីលធម៌ ចរិយាធម៌ និងប្រកបដោយគុណធម៌ និងជាទីកន្លែងដែលរក្សាទុកនូវវប្បធម៌ ប្រពៃណី ទំនៀមទម្លាប់ ដែលបុព្វបុរសខ្មែរកត់ត្រាទុកពីជំនាន់មួយទៅជំនាន់មួយ សម្រាប់មនុស្សជំនាន់ក្រោយ ពិសេសទៅទៀតទីអារាមជាកន្លែងបណ្តុះ នូវធនធានមនុស្សដែលពោរពេញដោយចំណេះដឹងទាំងផ្លូវលោក ផ្លូវធម៌ និងប្រកបដោយមនសិការជាតិ ។ នាពេលបច្ចុប្បន្ននេះ ប្រមុខរាជរដ្ឋាភិបាលកម្ពុជា បានលើកតម្កើង និងទ្រទ្រង់ព្រះពុទ្ធសាសនាស្របនឹងស្ថានភាពសង្គមជាតិកំពុងតែរីកចម្រើន បានបង្ករលក្ខណះសម្បត្តិដល់សកម្មភាពព្រះពុទ្ធសាសនា ក្នុងការអភិវឌ្ឍន៏វិស័យនេះអោយមានរីកចម្រើនដូចវិស័យដទៃទៀត សក្តិសមជាទីកន្លែងគោរពបូជានៃពុទ្ធបរិស័ទ ជាក់ស្ដែងក្នុងខេត្តបន្ទាយមានជ័យបានស្តារនិងកសាងវត្តអារាមមកទល់បច្ចប្បន្នសរុប ២៣៩វត្ត អារាម ៧ ព្រះសង្ឃ ៣៨៩៧អង្គ សាលាធម្មវិន័យ ៥៩សាលា ពុទិ្ធកបឋមសិក្សា ៦៨សាលា ពុទិ្ធកអនុវិទ្យាល័យនឹងវិទ្យាល័យមាន ១សាលា សមណរសិស្ស ២៩១០អង្គ ។ ថ្មីនេះវិស័យព្រះពុទ្ធសាសនាកំពុងចូលជ្រៅទៅក្នុងវិស័យអប់រំ ដោយព្រះតេជគុណ ព្រះគុណម្ចាស់គ្រប់ព្រះអង្គ នឹងពុទ្ធបរិស័ទស្ទើរតែគ្រប់វត្តអារាមបានជំរុញបង្កើតអោយមានសាលាពុទ្ធិកបឋមសិក្សា ដើម្បីឲ្យសមណរសិស្សបានបន្តការសិក្សារៀនសូត្រ ។
        ជាចុងក្រោយ ឯកឧត្តម អភិបាលខេត្ត បានប្រគេនប្រគល់គ្រឿងឥស្សរយស មេដាយ ដល់ព្រះសង្ឃ សប្បុរសជន ប្រគេនបច្ច័យ ២លានរៀល ដល់កម្មវិធីឧបត្ថម្ភ សិស្សានុសិស្ស ១០០នាក់ ម្នាក់ៗ ២០០០រៀល ប្រជាពលរដ្ឋចូលរួម ៣០០នាក់ ម្នាក់ៗសារុង ១៕ មុនីរម្យ

 ប្រភព៖ រដ្ឋបាលខេត្តបន្ទាយមានជ័យ