អភិបាលរងខេត្តសៀមរាប​ អនុញ្ញាតឱ្យប្រតិភូក្រុមហ៊ុន​ អៀខូ​ អ៉ិនធើណេសិនណល​ អ៉ិនវេសមិន​ នៃសាធារណរដ្ឋសឹង្ហបុរី ចូលជួបសម្ដែង​ការគួរសម​ និងពិភាក្សា​ការងារ​
February 09, 2019 អ្នកទស្សនា :

       ​នៅបន្ទប់ប្រជុំលេខ​ ០១​ សាលាខេត្តសៀមរាប​ មានពិធីជួបសម្ដែងការគួរសម​ និងពិភាក្សាការងារ​ រវាងថ្នាក់ដឹកនាំខេត្តសៀមរាប​ ជាមួយប្រតិភូក្រុមហ៊ុន​ អៀខូ អ៊ិនធើណេសិនណល អ៊ិនវេសមិន​ (EaCo Internaltional Investment Pte., Ltd) នៃសាធារណរដ្ឋសឹង្ហបុរី​ ដឹកនាំដោយ​ ​លោក​ ពៅ​ ពិសិដ្ឋ​ អភិបាល រងខេត្ត​ និងជាតំណាង​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​ និងលោក​ LEO BOON YONG អគ្គនាយក​ក្រុមហ៊ុន​ អៀខូ អ៊ិនធើណេសិនណល អ៊ិនវេសមិន​ និងប្រតិភូអមដំណើរ​ កាលពីរសៀលថ្ងៃសុក្រ ៤កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៨ ខែកុម្ភៈ ឆ្នាំ២០១៩។ ក្នុងកិច្ចជំនួបនោះមានការអញ្ជើញចូលរួមពី​លោក​នាយក​រដ្ឋបាល​ នាយក​ នាយករងទីចាត់ការ​ចំណុះខេត្តលោកអភិបាលរងក្រុង​ លោក​ប្រធាន​ អនុប្រធាន​ មន្ទីរ​-អង្គភាព​ ពាក់ព័ន្ធ​នានាជុំវិញខេត្ត​។

     កិច្ចពិភាក្សានេះគឺផ្ដោតសំខាន់ទៅលើការងារ​វិនិយោគ​លើវិស័យ​ទេសចរណ៍​   ការអភិវឌ្ឍន៍ធនធានទេសចរណ៍​ សក្តានុពល​ទេសចរណ៍​ ភាពទាក់ទាញអាទិភាព​របស់ខេត្តសៀមរាប​ពិសេស​ប្រាសាទអង្គរវត្ត​ ​ការងារវិនិយោគលើសំណង់អាគារ​ កន្លែងកំសាន្ត​ Shopping Center និងវិស័យ​ម្ហូបអាហារ​ ធនធានមនុស្ស​ និងអនាម័យបរិស្ថាន។

      នាឱកាសនោះ លោកអភិបាលរង​​ខេត្ត​ បានថ្លែងថា ក្នុងនាមថ្នាក់ដឹកនាំខេត្ត​សូមថ្លែងអំណរគុណដល់គណៈប្រតិភូក្រុមហ៊ុនទាំងអស់​ និងសូមស្វាគមន៍នូវគម្រោងវិនិយោគ​ និងកិច្ចសហការល្អៗ​ ដើម្បីភាពរីកចម្រើន​ និងជោគជ័យទាំងអស់គ្នា៕មុនីរម្យ

ប្រភព៖រដ្ឋបាលខេត្តសៀមរាប

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ