អាជ្ញាធរខេត្តសៀមរាបចាត់វិធានការណ៍លើករណីជនបរទេសប្រកបអាជីវកម្មមគ្គុទេ្ទសក៍ទេសចរណ៍ខុសច្បាប់នៅតំបន់អង្គរ​ និងតំបន់មួយចំនួនជុំវិញខេត្ត
February 09, 2019 អ្នកទស្សនា :

      ​នៅបន្ទប់ប្រជុំលេខ​ ០១​ សាលាខេត្តសៀមរាប​ មានបើកកិច្ចប្រជុំមួយស្ដីពីការ​រៀប​ចំ​សណ្ដាប់ធ្នាប់​ក្នុងករណីជនបរទេសប្រកបអាជីវកម្មមគ្គុទេ្ទសក៍ទេសចរណ៍ខុសច្បាប់នៅតំបន់សៀមរាបអង្គរ​ និងតំបន់ទេសចរណ៍មួយចំនួន​ទៀតជុំវិញខេត្ត​ ក្រោមអធិបតីភាព​ លោក​ ពៅ​ ពិសិដ្ឋ​ អភិបាលរងខេត្ត​ និងជាតំណាង​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​ នាថ្ងៃសុក្រ​ ៤កើត​ ខែមាឃ​ ឆ្នាំច​ សំរឹទ្ធិស័ក​ ព.ស ២៥៦២​ ត្រូវនឹងថ្ងៃទី​០៨​ ខែកុម្ភៈ​ ឆ្នាំ​២០១៩ ក៏មានការអញ្ជើញចូលរួមពី​ នាយក​ នាយករងទីចាត់ការ​ចំណុះសាលាខេត្ត​ មន្ទីរ​ទេសចរណ៍​​ ស្នងការ​រង​នគរបាល​ខេត្ត​ នគរបាល​ទេសចរណ៍​ នគរបាល​បេតិកភណ្ឌ​ កងកម្លាំងអាវុធហត្ថ​ខេត្ត​  មន្ទីរ​-អង្គភាព​ ពាក់ព័ន្ធ​នានា​ តំណាង​សមាគមមគ្គុទេ្ទសក៍​ទេសចរណ៍​ និងមគ្គុទ្ទេសទេសចរណ៍ចំរុះភាសា​ សរុបចំនួន​ ២៧នាក់​ ស្រី​ ២នាក់។           កិច្ចប្រជុំ​នេះផ្ដោតសំខាន់លើការងារទេសចរណ៍មួយចំនួនរួមមាន÷

១-ស្នើសុំមានវិធានការ​ និងទប់ស្កាត់លើជនបរទេស​ មានជនជាតិ​ រុស្ស៊ី​ កូរ៉េ​ និងចិន​ អំពីករណីជនបរទេសប្រកប​អាជីវកម្ម​មគ្គុទ្ទេសក៍​ទេសចរណ៍​ដោយ​ខុសច្បាប់​នៅក្នុង​តំបន់​អង្គរ​ និងតំបន់ជុំវិញមួយចំនួនទៀតដូចជា​ ប៉ែក​ខាង​ជើង​បឹងទន្លេសាប​(ចុងឃ្នាស​ កំពង់ភ្លុក​ កំពង់ឃ្លាំង​)​ ឧទ្យានជាតិ​ភ្នំគូលែន​ ប្រាសាទ​បេងមាលា​ ប្រាសាទកោះកេរ្តិ៍​ និងប្រាសាទភ្នំព្រះវិហារ​ ជាដើម)​។

២-ការងារបរិស្ថាននៅតំបន់រមណីយដ្ឋាន​ និងបរិស្ថានទូទៅជុំវិញខេត្ត​ និងមានការសហការ​គ្នាល្អ​ រវាងថ្នាក់ដឹកនាំ​ខេត្ត​ អាជ្ញាធរ​មានសមត្ថកិច្ច​អាជ្ញាធរ​មូលដ្ឋាន​ សមាគមមគ្គុទ្ទេសក៍ទេសចរណ៍​ មគ្គុទ្ទេសក៍​ទេសចរណ៍​ ភ្ញៀវ​ទេសចរ​ និងប្រជាជន​ ប្រជាពលរដ្ឋរស់​នៅតាមមូលដ្ឋានផ្ទាល់​ ដើម្បីធ្វើឲ្យបរិស្ថានល្អ​ ធម្មជាតិបៃតង​ មានអនាម័យ​ និងមានផាសុខភាព​ ស្របតាមពាក្យស្លោក​ « ទីក្រុង​ស្អាត​ រមណីយដ្ឋាន​ស្អាត​ សេវាល្អ​ »។

៣-ស្នើឲ្យស្នងការនគរបាលខេត្ត​ ទទួល​ផែនការ​គ្រប់​គ្រង​ជនអន្តោប្រវេសន៍​ ធ្វើរបាយការណ៍​ និងធ្វើបញ្ជីបច្ចុប្បន្នភាពជនបរទេសដែលស្នាក់នៅក្នុងខេត្តសៀមរា​ប​ ដើម្បីធ្វើអាជីវកម្ម​ ធ្វើជំនួញ​ ឬអាស្រ័យផលផ្សេង​ៗ​ និងកំណត់មុខសញ្ញាលើជនបរទេសទាំងនោះ​ ដើម្បីងាយស្រួលក្នុងគ្រប់គ្រងការងារទាំងនេះ។

      ក្នុងកិច្ចប្រជុំនេះដែរ​ លោកអភិបាលរងខេត្តក៏បានស្នើឲ្យមន្ទីរទេសចរណ៍​ មន្ត្រី​ជំនាញ​ សមាគមមគ្គុទ្ទេសក៍ទេសចរណ៍​ មគ្គុទេសក៍​ទេសចរណ៍​ ត្រូវសហការគ្នា​ បង្កើតក្រុមការងារ​ ធ្វើការជាសម្ព័ន្ធ​ និងបង្កើតក្រុមតេឡេក្រាម​ (Telegram ) ដើម្បីមានភាពងាយស្រួលក្នុងការជូនដំណឹង​ ផ្ដល់ព័ត៌មាន​ និងរាយការណ៍​ឲ្យគ្នាទៅវិញ​ទៅមក៕មុនីរម្យ

ប្រភព៖រដ្ឋបាលខេត្តសៀមរាប

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ