អាជ្ញាធរខេត្តកែប ប្រារព្វខួបអនុស្សាវរីយ៍លើកទី40 ទិវារំដោះជាតិ ពីរបបប្រល័យពូជសាសន៍
January 09, 2019 អ្នកទស្សនា :

           ព្រឹកថ្ងៃពុធ ៤កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៩ ខែមករា ឆ្នាំ២០១៩ អាជ្ញាធរខេត្តកែប បានរៀបចំមិទ្ទីញដើម្បីរំឭកខួបអនុស្សាវរីយ៍លើកទី40 ទិវារំដោះជាតិ និងប្រជាជនចេញពីរបបមហាព្រៃផ្សៃប្រលយ័ពូជសាសន៍ ប៉ុល ពត ដែលកាន់អំណាចពីថ្ងៃ17 មេសា 1975 ដល់ថ្ងៃ7 មេសា 1979 នៅសួនច្បារនឹងវិមានឯករាជ្យ សម្តេចអគ្គមហាសេនាបតីតេជោ ហ៊ុន សែន ក្រុងកែប ក្រោមអធិបតីភាព ឯកឧត្តម កិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រី ក្រសួងឧស្សាហកម្ម និងសិប្បកម្ម និងឯកឧត្តម សំ សារីន ប្រធានក្រុមប្រឹក្សាខេត្តកែប ព្រមទាំងមានការចូលរួមពីថ្នាក់ដឹកនាំគ្រប់ស្ថាបន័ មន្ទីរ អង្គភាព កងកំលាំងប្រដាប់អាវុធចំនុះខេត្ត មន្ត្រីរាជការ សិស្សានុសិស្ស ប្រជាជននិងព្រះសង្ឃផងដែរ។
           បន្ទាប់ពីការជួបជុំ គណអធិបតីនិងប្រធានស្ថាបន័ មន្ទីរ អង្គភាពរួចមក អង្គមិទ្ទីញក៏បានស្តាប់សុន្ទរកថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលអានដោយ ឯកឧត្តម សំ សារីន ប្រធានក្រុមប្រឹក្សាខេត្តកែប ព្រមទាំងបានស្តាប់ប្រសាសដ៏មានអត្ថន័យខ្លឹមសារដែលរំលេចចេញពីប្រវត្តិសាស្ត្រនៃថ្ងៃជ័យជម្នះ  របស់ប្រជាជាតិយើង និងបានបញ្ជាក់ពីជំហរឥតងាករេរបស់យើងទាំងអស់គ្នាក្នុងការប្តេជ្ញាការពារសន្តិភាពដែលមានពេញបរិបូរណ៍ដូចសព្វថ្ងៃឱ្យបានគង់វង្ស យូរអង្វែងនិងរួមគ្នាអភិវឌ្ឃន៍ប្រទេសជាតិឱ្យរីកចំរើន ខ្ពង់ខ្ពស់បន្តទៀត ក្រោមដំបូលនិងការដឹកនាំរបស់រាជរដ្ឋាភិបាល ដែលមានសម្តេចតេជោ ហ៊ុន សែន ជាប្រមុខដ៏អង់អាច ឈ្លាសវៃ៕ រតនា

ប្រភព៖ រដ្ឋបាលខេត្តកែប

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ