អភិបាលខេត្តកំពង់ឆ្នាំង អញ្ជើញសួរសុខទុក្ខស្នងការរងនគរបាលខេត្ត ដែលកំពុងសម្រាកព្យាបាលជំងឺ
November 28, 2018 អ្នកទស្សនា :

     នាព្រឹកថ្ងៃពុធ ០៦រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវថ្ងៃទី ២៨ ខែ វិច្ឆិកា ឆ្នាំ ២០១៨ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង លោកឧត្តមសេនីយ៍ទោ ឡុច វណ្ណារ៉ា ស្នងការនគរ​បាលខេត្ត លោក-លោកស្រីស្នងការរង នាយការិយាល័យ និងមន្ត្រីនគរបាលខេត្តកំពង់ឆ្នាំង បានអ​ញ្ជើញទៅសួរ សុខទុក្ខលោកឧត្តមសេនីយ៍ត្រី កែ ប៊ុនរិទ្ធ ស្នងការរងទទួលការងារកិច្ចការប៉ុស្តិ៍ ដែលកំពុងសម្រាកព្យា បាលជម្ងឺនៅផ្ទះ ក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង។

     ក្នុងឱកាសនោះ ឯកឧត្តមអភិបាលខេត្ត ក៍បានមានប្រសាសន៍ផ្ដាំផ្ញើសាកសួរសុខទុក្ខ និងជូនពរលោកស្នងការរងឆាប់ជាសះស្បើយពីជម្ងឺ ដើម្បីបានត្រឡប់ទៅបម្រើការងារជូនជាតិមាតុភូមិវិញ និងជាពិសេសត្រូវថែទាំសុខភាពដោយអនុវត្តតាមវេជ្ជបញ្ជារបស់គ្រូពេទ្យ។

     ជាមួយគ្នានោះ ឯកឧត្តមអភិបាលខេត្ត ក៏បាន ឧបត្ថម្ភថវិកា សរុបចំនួន ៥.000.000រៀល ផងដែរ​។ លោកឧត្តមសេនីយ៍ត្រី កែ ប៊ុនរិទ្ធ ស្នងការរងនិងក្រុមគ្រួសារ បានសម្តែងនូវអំណរគុណ និង ការដឹងគុណ យ៉ាងជ្រាលជ្រៅ ចំពោះ ឯកឧត្តម អភិបាលខេត្ត ស្នងការនគរបាលខេត្ត និងមន្ត្រីនគរបា​ល ខេត្តទាំងអស់ ដែលបានយកចិត្តទុកដាក់ គិតគូរ ដល់សុខទុក្ខរបស់លោក ៕ អែមមី

ប្រភពៈរដ្ឋបាលខេត្តកំពង់ឆ្នាំង

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ