ក្រោយពីទទួលបទបញ្ជារបស់ ឯកឧត្តម គួច ចំរើន អភិបាលនៃគណៈអភិបាលខេត្តកំពង់ចាម ស្នងការដ្ឋាននគរបាលខេត្តបានធ្វើតេស្តទឹកម៉ូត ឬ ទឹកនោម ទៅលើអ្នកបើកបរថយន្តធុនធំ និងជំនួយការបើកបរ (ព្រូឡាន)ជាលទ្ធផលបានរកឃើញអ្នកមានផ្ទុកសារធាតុញៀនចំនួន ១៦ នាក់។ ក្នុងនោះបានអនុវត្តន៍វិធានការអប់រំ និងចេញដីកាបញ្ជូនខ្លួនឲ្យទៅផ្តាច់ ឬបន្សាបសារធាតុញៀន នៅតាមមូលដ្ឋានរៀងៗខ្លួន។ លោកវរសេនីយ៍អ៊ឹមស៊ាងឌីនាយការិយាល័យប្រឆាំងគ្រឿងញៀននៃស្នងការនគរបាលខេត្តកំពង់ចាមបានឲ្យដឹងថា ខាងមន្ត្រីជំនាញគ្រឿងញៀន ចរាចរណ៍ និងមន្ត្រីមូលដ្ឋាន សស្រុកស្ទឹងត្រង់ ស្រុកបាធាយ កងមាស កោះសូទិន ស្រីសន្ធរ កំពង់សៀម និងកំពង់ចាម ចុះអនុវត្តន៍វិធានការរដ្ឋបាលឃាត់រថាត់រថយន្តធុនធំកំពុងធ្វើចរាចរលើដងផ្លូវ ដែលសង្ស័យអ្នកបើកបរ ជំនួយការបើកបរ និងកម្មករតាមរថយន្ត គឺបគឺបានឃាត់ខ្លួនបណ្តោះអាសន្ន ដើម្បីធ្វើតេស្តទឹកនោមស្វែងរកសារធាតុគ្រឿងញៀន ក្នុងខ្លួននៃជនទាំងនោះម្នាក់ៗ។ លោកនាយការិយាល័យបានឲ្យដឹងទៀតថាជាលទ្ធផលនៃការធ្វើតេស្តយើងបានស្វែងរកឃើញអ្នកមានផ្ទុកសារធាតុគ្រឿងញៀញសរុបចំនួន ១៦នាក់។ ជាមួយនោះនៅព្រឹកថ្ងៃទី ១៨ ឧសឧសភានេះ ឯកឧត្តម គួច ចំរើន អភិបាលខេត្តកំពង់ចាមបានអញ្ជើញទៅដោយផ្ទាល់ ដែលបានអមដំណើរជាមួយលោក ហួត វុទ្ធី ជាព្រះរាជអាជ្ញាអមសាលាដំបូងខេត្តនេះ ជួបជាមួយអ្នកផ្ទុកសារធាតុញៀនទាំង ១៦ នាក់ក្នុងស្នងការនគរបាល បានថ្លែងប្រាប់ថា នេះជាវិធានការសាកល្បង គឺគ្រាន់តែធ្វើការអប់រំ ជាលើកទី២ ហើយលោកព្រះរាជអាជ្ញាចេញដីកា និងលោកប្រធានមន្ទីរសុខាភិបាលចែកថ្នាំព្យាបាលផ្តាច់គ្រឿងញៀន បញ្ជួនទៅព្យាបាល និងផ្តាច់ ឬបន្សាបនៅតាមមូលដ្ឋានរៀងៗខ្លួនតែម្តង។ ឯកឧត្តម គួច ចំរើន បានដាបានដាក់កម្រិតទៅកាន់អ្នកទាំង១៦ នាក់ថា នេះនេះជាចំណាត់ការលើកទី២ហើយ ប្រើត្រឹមវិធានការអប់រំ និងបញ្ជូនខ្លួនឲ្យទៅព្យាបាលផ្តាច់គ្រឿងញៀននៅឯមូលដ្ឋានភូមិឃុំ។ ប៉ុន្តែចំណាត់ការបន្ត ពោលគឺបើត្រួតពិនិត្យប៉ះចំមុខសញ្ញាដដែលមានក្នុងបញ្ជីនេះម្តងទៀតនោះ គឺយើងនឹងចាត់វិធានការផ្លូវច្បាប់ ដោយគ្មានលើកលែងទៀតឡើយ។ ដោយឯកឧត្តមអភិបាលខេត្តបានអាននូវមាត្រា ៦៣ នៃច្បាប់ស្តីពី គ្រឿងញៀន ឲ្យស្តាប់បន្ថែមទៀត និងប្រាប់ឲ្យទន្ទិញច្បាប់នេះ ដើម្បីអោយយល់ច្បាស់ដោយខ្លួនឯង។ ឯកឧត្តមបានផ្តាំផ្ញើដល់ប្អូន ដែលជាអ្នកបើកបរនិងជំនួយការបើកបរទាំងអស់សូមកុំបន្តប្រើប្រាស់គ្រឿងញៀនបន្តទៀតដែលជាហេតុនាំឲ្យប៉ះពាល់ដល់សុខភាពខ្លួនខូចកិត្តិយសក្រុមគ្រួសាររបស់ខ្លួន ប៉ះពាល់ដល់អាយុជីវិតអ្នកដទៃ ជាពិសេសសារធាតុមានទាំងនោះធ្វើឲ្យប៉ះពាល់ដល់កូនរបស់ខ្លួនផងដែរ។ ដើម្បីឱ្យខ្លួនចៀសចាកឆ្ងាយពីគ្រឿងញៀនសូមអ្នកបើកបរទាំងឡាយមេត្តាប្រាស់គ្រឿងញៀនតទៅទៀតប្រសិនបើខ្លួនមានផ្ទុកសារជាតិមានហើយសូមអញ្ជើញទៅទទួលថ្នាំបន្សាបគ្រឿងញៀននៅមណ្ឌលសុខភាពក្នុងមូលដ្ឋានរបស់ខ្លួនរាងរាងខ្លួន។ អ្នកបើកបររថយន្តផ្ទុកសារធាតុញៀនក្នុងខ្លួនស្ថិតក្នុងចំណោម ១៦ នាក់នោះបាននិយាយថា ខ្លួនពិតជាមានការសោកស្តាយ ដែលបានប្រព្រឹត្តកំហុសសេពគ្រឿងញៀននេះបានម្តងគត់។ ខណ:នេះខ្លួននឹងព្យាយាមព្យាបាលផ្តាច់ឲ្យអស់សារធាតុញៀនពីក្នុងខ្លួនឲ្យបានជោគជ័យ។ ប្រភពព័ត៌មាន: រដ្ឋបាលខេត្តកំពង់ចាម (ថ្ងៃទី១៨ ខែឧសភា ឆ្នាំ២០១៨)
