ព្រឹកថ្ងៃសុក្រ ១៣កើត ខែពិសាខ ឆ្នាំច សំរិទ្ធស័ក ព.ស ២៥៦១ ត្រូវនឹងថ្ងៃទី២៧ ខែមេសា ឆ្នាំ២០១៨ គណៈប្រតិភូកំពង់ ផែក្រុងធានជីង Tian jin នៃប្រទេសចិន ដឹកនាំដោយលោក Wang Yidong Deputy section បានចូលជួបសម្តែងការគួរសមជាមួយរដ្ឋបាលខេត្តព្រះសីហនុ ។ លោក Wang Yidong បានមានប្រសាសន៍ឲ្យដឹងថា គណៈ ប្រតិភូរបស់លោកមកទស្សនៈកិច្ចខេត្តព្រះសីហនុនាឱកាសនេះមានគោលបំណង់ចង់សិក្សាស្វែងយល់ និងធ្វើកិច្ចសហការជាមួយគ្នា និងកំពង់ផែស្វយ័តខេត្តព្រះសីហនុ ក្នុងការដឹកជញ្ជូនការ ផ្លាស់ប្តូរទំនិញទៅវិញទៅមកកាន់តែមានភាពងាយស្រួល ។ លោក គង់ វិតាណៈ អភិបាលរងខេត្តព្រះសីហនុ បានស្វាគមន៏ចំពោះគម្រោងរបស់គណៈប្រតិភូកំពង់ផែរក្រុងធានជីង នៅលើទឹកដីខេត្តព្រះសីហនុ ខណដែលខេត្តព្រះសីហនុ គឺជាខេត្តដែលមានកំពង់ផែអន្តរជាតិទឹកជ្រៅតែមួយគត់ក្នុងព្រះរាជាណាចក្រកម្ពុជា និងមានសក្កានុពលខ្ពស់ លើវិស័យដឹកជញ្ជួនតាមផ្លូវសមុទ្រ ។ លោកបានបន្តថា ខេត្តព្រះសីហនុត្រូវបានប្រមុខរាជរដ្ឋាបាលកម្ពុជា ចាត់ទុកជាខេត្តបំពង់ករសេដ្ឋកិច្ចយ៉ាងសំខាន់ នៃព្រះរាជា ណាចក្រកម្ពុជា ជាកស្តែងបច្ចុប្បន្ឋខេត្តព្រះសីហនុ កំពុងក្លាយជាគោលដៅវិនិយោគ ឧស្សាហកម្ម កសិកម្ម និងទេសចរណ៍ប្រកបដោយសក្កានុពល ដែលមានអ្នកវិនិយោគិនពីគ្រប់ទិសទី ពិសេសវិនិ យោគ និងទេសចរចិន មកកាន់ខេត្តព្រះសីហនុយ៉ាងគំហុក ធ្វើឲ្យខេត្តព្រះសីហនុមានការអភិវឌ្ឍរីកចម្រើនលឿនគួរអោយកត់ សំគាល់ ៕ ប្រភពព័ត៌មាន: រដ្ឋបាលខេត្តព្រះសីហនុ (ថ្ងៃទី២៧ ខែមេសា ឆ្នាំ២០១៨)