នារសៀលថ្ងៃអង្គារ៍ ៦រោច ខែមាឃ​ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៦ ខែកុម្ភៈ ឆ្នាំ២០១៨ ប្រតិភូខេត្តមណ្ឌលគិរី ដឹកនាំដោយឯកឧត្តម ញ៉ន សិទ្ធ អភិបាលរងខេត្ត បានចូលរួមជូនពរអបអរសាទរ ក្នុងឱកាសបុណ្យចូលឆ្នាំថ្មីប្រពៃណីជនជាតិវៀតណាម នៅទីក្រុងយ៉ា ងៀរ ខេត្តដាក់ណុង នៃសាធារណៈរដ្ឋសង្គមនិយមវៀតណាម ដើម្បីរឹតចំណងមិត្តភាព សាមគ្គីភាព រវាងព្រះរាជាណាចក្រកម្ពុជា និងសាធារណៈរដ្ឋសង្គមនិយមវៀតណាម និយាយរួម និងនិយាយដោយឡែក​ ខេត្តមណ្ឌលគិរី និងខេត្តដាក់ណុង កើតមានតាំងពីយូរលុងណាស់មកហើយ​​ និងបន្តរឹតចំណងសាមគ្គីភាព អោយកាន់តែល្អប្រសើរថែមទៀត នាឱកាសនោះដែរ ឯកឧត្តម តាំងនាមថ្នាក់ដឹកនាំខេត្ត មន្រ្តីរាជការ កង កម្លាំងទាំង​ និងប្រជាពលរដ្ឋទូទាំងខេត្ត ក្នុងឱកាសបុណ្យ ចូលឆ្នាំថ្មីប្រពៃណីជនជាតិវៀតណាមខាងមុននេះ សូមជូនពរ ឯកឧត្តម ថ្នាក់ដឹកនាំខេត្តដាក់ណុង មន្រ្តីរាជការ កងកម្លាំងទាំងបី និងប្រជាជន សូមមានសុខភាពល្អ បរិបូរណ៍ កម្លាំងខ្លាំងក្លា ប្រាជ្ញាឈ្លៀសវៃ ទទួលបានជោគជ័យការងារថ្មីៗបន្ថែមទៀត។