លោកជំទាវ  ប៉ុក  ណាឌី អភិបាលរង  នៃគណៈអភិបាលខេត្តបន្ទាយមានជ័យ  និងជាប្រធានគណៈ​កម្មា​ធិការ​ប្រយុទ្ធប្រឆាំងអំពើជួញដូរមនុស្សថ្នាក់ខេត្តបន្ទាយមានជ័យ បានជម្រុញដល់អ្នកពាក់ព័ន្ធត្រូវ​ទាំងអស់​សហការ​ជាមួយសមត្ថកិច្ច និងអង្គការដែលឈរជើងតាមបន្ទាត់ព្រំដែនត្រូវធ្វើការ​ទប់ស្កាត់ឲ្យបាននូវ​រាល់​សកម្មភាពអំពោះជួញដូរមនុស្សឆ្លងដែនទៅប្រទេសជិតខាងពិសេសស្រ្តី និងកុមារជាដើម។ លោកជំទាវ​បានធ្វើ​ការ​ជម្រុញបែបនេះ នៅព្រឹក ថ្ងៃទី២៧  ខែសីហា  នាសាលប្រជុំសាលាខេត្តបន្ទាយមានជ័យ  ក្នុងកិច្ចប្រជុំស្តីពី ការបូកសរុបលទ្ធផលការងារប្រចាំឆមាសទី១ ឆ្នាំ២០១៩  របស់គណៈកម្មាធិការប្រយុទ្ធប្រឆាំង​អំពើជួញដូរ​មនុស្ស​ថ្នាក់ខេត្ត (គ.ខ.ប.ជ)។ លោកជំទាវបន្តថា អាជ្ញាធរមានសមត្ថកិច្ចពាក់​ព័ន្ធត្រូវចុះធ្វើការអប់រំ​ផ្សព្វផ្សាយ​តាម​គ្រប់រូបភាព  ធានាបានការចំណាក់ស្រុកប្រកបដោយសុវត្ថិភាព  និងធ្វើការទប់ស្កាត់ការ​ប្រើប្រាស់ពល​កម្មកុមារ  ដូចជាក្នុងសិប្បកម្មឡឥដ្ឋ  ការរដ្ឋានសំណង់  កន្លែងលាងរថយន្ត  ម៉ូតូ  អូសរទេះ  និងសហការ​ជាមួយអង្គការដៃគូរ  និងអង្គភាពពាក់ព័ន្ធ  ជួយដល់កូនគ្រួសារក្រីក្រ  គ្រួសារងាយរងគ្រោះ  សង្គ្រោះ កុមារ​ឲ្យរួចផុតពីពលកម្មធ្ងន់  ដោយមួយចំនួន  បានបញ្ជូនចូលសាលារៀនមួយចំនួនហួសអាយុបានបញ្ជូនទៅ​សាលាបណ្តុះបណ្តា លវិជ្ជាជីវជាបន្តបន្ទាប់  ។
     យោងតាមស្ថិតិពលករចំណាក់ស្រុកឆ្លងដែនខុសច្បាប់ប្រចាំថ្ងៃដែលភាគីថៃបញ្ជូនក្នុងឆមាសទី ១ឆ្នាំ ២០១៩ គឹតចាប់ពីថ្ងៃទី០១ ខែមករា ដល់ថ្ងៃទី៣០  ខែមិថុនា មានចំនួនសរុប៦៧៤៣នាក់, បុរស​៣៧៤៥នាក់, ស្រ្តី​២១៥៣នាក់, កុមារា៤៥២នាក់  និងកុមារី៣៩៣នាក់ ។ ក្នុងចំណោមពលករចំនួន  ៦៧៤៣នាក់  មជ្ឈម​ណ្ឌល​សំចត់ប៉ោយប៉ែត  បានធ្វើសម្ភាសន៍ដើម្បីកំណត់អត្តសញ្ញាណរកមុខសញ្ញជនរងគ្រោះ  និងងាយ​រងគ្រោះ ដោយអំពើជួញដូរមនុស្សមានចំនួន១៣០នាក់(បុរស១៤នាក់, ស្រ្តី២២នាក់, កុមារា​២៩នាក់, កុមារី៣២នាក់) ស្មើ នឹង ៧២.២២%  ប្រៀបធៀប ផែនការប្រចាំឆ្នាំ២០១៩ (១៨០នាក់)  ក្នុងនោះ​មានពលករដែលមានបញ្ហាសុខភាព  ត្រូវបានក្រុមការងារជួយសង្គ្រោះបញ្ជូន ទៅ  មន្ទីរពេទ្យ បង្អែកក្រុងប៉ោយប៉ែត  ចំនួន០៦នាក់,  ស្រ្តី ០៥នាក់  ,បុរស ០១  ,កុមារ០១នាក់  និងមន្ទីពេទ្យបង្អែកស្រុកមង្គលបូរីចំនួន០១ជាស្រ្តី៕ គឹមអាន

ប្រភព៖ រដ្ឋបាលខេត្តបន្ទាយមានជ័យ