ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានកិតិ្តយសសាខាកាកបាទប្រហមកម្ពុជាខេត្តកំពង់ឆ្នាំង រួមដំណើរដោយឯកឧត្តម កែវ ពៅ អនុប្រធានសាខាកាកបាទក្រហមកម្ពុជាខេត្ត លោក ប្រាក់ សោភ័ណ្ឌ នាយកប្រតិបត្តិសាខាកាកបាទក្រហមកម្ពុជាខេត្ត ឯកឧត្តម លោកជំទាវក្រុមការងារខេត្ត ស្រុក បាននាំយកអំណោយមនុស្សធម៌ របស់សាខាកាកបាទក្រហមកម្ពុជាខេត្តកំពង់ឆ្នាំង។
អំណោយនៅព្រឹកថ្ងៃទី២២ ខែមេសា ឆ្នាំ២០១៩នោះ រួមមាន៖ អង្ករ ៦០ គីឡូ មី ១ កេស ទឹកក្រូច ១ កេស ត្រីខ ១ យួរ ឃីត ១ កញ្ចប់ និង ថវិកា ៤០ម៉ឺនរៀល និងថវិកាសប្បុរសធម៌របស់មន្ទីរនានាជុំវិញខេត្ត ស្រុក ៣.៤៨៣.០០០រៀល ជូនដល់គ្រួសារសព រងគ្រោះបាត់បង់ជីវិតភ្លាមៗ និងកូនរងរបួសធ្ងន់ ដោយសារប្ដីចិត្តខ្មៅប្រើអំពើហិង្សា កាលពីយប់ថ្ងៃទី២១ ខែមេសា ឆ្នាំ២០១៩ នៅភូមិអណ្ដូងរវៀង ឃុំអញ្ចាញរូង ស្រុកបរិបូណ៌ ខេត្តកំពង់ឆ្នាំង ៕ មុនីរម្យ
ប្រភព៖ រដ្ឋបាលខេត្តកំពង់ឆ្នាំង
