លោក​ លឹម​ តុងហួត​ ប្រធាននាយកដ្ឋាននីតិកម្ម​ អប់រំ​ និងស្តារីតិសម្បទា​ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនតំណាងឲ្យសិក្ខាកាមកម្ពុជា​និងជាអ្នកសម្របសម្រួល​បានប្រាប់ឲ្យដឹងថា​ តាមរយៈទស្សនកិច្ចសិក្សា​ និងបទបង្ហាញនានារបស់សាស្រ្តាចារ្យជំនាញដែលបាននឹងកំពុងបម្រេីការងារពាក់ព័ន្ធការងារបង្ការ​ ព្យាបាលស្តារនីតិសម្បទា​ អ្នកញៀនគ្រឿងញៀនបានធ្វេីការចែករំលែកនូវបទពិសោធន៍ល្អ​ៗ និងបានលេីកកម្ពស់ការយល់ដឹងពីការងារនេះដល់មន្រ្តីរបស់កម្ពុជាទាំង១៥រូប​ ទទួលបានចំណេះដឹងដូចជា​ : ១.ទទួលបានចំណេះដឹង​ទូទៅពីបញ្ហាគ្រឿងញៀន​ ប្រភេទគ្រឿងញៀន​ និងកត្តាជម្រុញឲ្យប្រេីគ្រឿងញៀន(កត្តាជីវសាស្រ្ត​ កត្តាចិត្តសាស្រ្ត​ កត្តាសង្គម​ )​និងភាពញៀនគ្រឿងញៀន​។ ២.ចេះប្រេីឧបការណ៍សម្រាប់វាយតម្លៃគ្រោះថ្នាក់នៃការប្រេី គ្រឿងញៀន(ASSIST )និងអន្តរាគមន៍បឋម​ ៣.ការផ្តល់ប្រឹក្សាអ្នកញៀន​គ្រឿងញៀន​ ដោយឈរលេីគោលការណ៍ស្មគ្រ័ចិត្ត​ និងរក្សាការសម្ងាត់​ ៤.ការគ្រប់គ្រងភាពញៀនគ្រឿងញៀនតាមរយ:ការវាយតម្លៃ​ ព្យាបាលបែប​ចិត្តសាស្រ្ត​ប្រកបដោយវិជ្ជាជីវ:​ ការព្យាបាលជំងឺរួមផ្សំ​ ការស្តារនីតិសម្បទា​ ៥.ការអប់រំពីភាពញៀនគ្រឿងញៀន​ និងការព្យាបាលដោះស្រាយបញ្ហាគ្រួសារ​ ។ ​ លោក​បានបន្ថែមថា ការងារព្យាបាលអ្នកញៀនគ្រឿងញៀនជោគជ័យគឺត្រូវចូលរួមពីគ្រប់សមាសភាពក្នុងសហគមន៍​ធ្វេីការលេីកទឹកចិត្ត​បញ្ជូនអ្នកញៀនគ្រឿងញៀនទៅទទួលសេវាព្យាបាល​ដោយគ្រួសារត្រូវតែចូលរួមនិងដោះស្រាយបញ្ហាផ្សេងក្នុងគ្រួសារដេីម្បីកុំឲ្យអ្នកញៀនគ្រឿងញៀនត្រឡប់ទៅប្រេីគ្រឿងញៀនវិញ។

     សូមបញ្ជាក់ថា​ កម្ពុជាបានចាត់បញ្ជូនមន្រ្តី១៥រូបទៅទទួលការបណ្តុះបណ្តាលនៅទីក្រុងញូវដាលី​ ប្រទេសឥណ្ឌា​ ដោយចេញដំណេីរពីថ្ងៃទី៣​ និងត្រឡប់ដល់កម្ពុជាវិញនៅថ្ងៃទី១១​ ខែកុម្ភៈ​ ឆ្នាំ២០១៩​ ៕គឹមអាន