ឯកឧត្តម បណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានលើកឡើងថា៖ ការអប់រំធនធានមនុស្ស ប្រកបដោយគុណភាពខ្ពស់ គឺជាកូនសោរគន្លឹះដ៏រឹងមាំ នៃសេដ្ឋកិច្ចជាតិ ដែលចាំបាច់ត្រូវការលោកគ្រូអ្នកគ្រូ ជាអ្នកតម្រង់ទិស។ ឯកឧត្តម ថ្លែងបែបនេះ ក្នុងឱកាសអញ្ជើញជាអធិបតី ក្នុងពិធី បិទសន្និបាតបូកសរុបនិងវាយតម្លៃលទ្ធផលការងារអប់រំ យុវជន និងកីឡា ប្រចាំឆ្នាំសិក្សា២០១៧- ២០១៨ និងលើកទិសដៅ ឆ្នាំសិក្សា២០១៨-២០១៩ របស់មន្ទីរអប់រំ យុវជន និងកីឡា ខេត្តត្បូងឃ្មុំ នាថ្ងៃព្រហស្បតិ៍ ៣កើត  ខែមាឃ  ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៧ ខែកុម្ភៈ ឆ្នាំ២០១៩ ដែលមានអ្នកចូលរួមជាង៣០០នាក់ នៅសាលប្រជុំសាលាខេត្តត្បូងឃ្មុំ៕មុនីរម្យ

ប្រភព៖រដ្ឋបាលខេត្តកំពង់ឆ្នាំង