តាកែវ ​៖​ រដ្ឋបាលខេត្តតាកែវ នៅថ្ងៃទី៣ ខែកក្កដា ឆ្នាំ២០២៣ បានរៀបចំបើកកិច្ចប្រជុំគណៈបញ្ជាការឯកភាព របស់រដ្ឋបាលខេត្តតាកែវ ក្រោមអធិបតីភាព ឯកឧត្ដម អ៊ូច ភា អភិបាល នៃគណៈអភិបាលខេត្តតាកែវ។

ក្នុងកិច្ចប្រជុំខាងលើនេះ ក៏មានការអញ្ជើញចូលរួម លោក-លោកស្រី ជាអភិបាលរងខេត្ត, លោក-លោកស្រី ជាអភិបាលក្រុង/ស្រុក, ប្រធាន អនុប្រធានមន្ទីរអង្គភាពជុំវិញខេត្ត និងកងកម្លាំងប្រដាប់អាវុធទាំង៣។

នាឱកាសនោះ ឯកឧត្ដម អ៊ូច ភា អភិបាលខេត្តតាកែវ បានធ្វើការណែនាំដល់អាជ្ញាធរពាក់ព័ន្ធ កម្លាំងសមត្ថកិច្ច ត្រូវជួយសម្រួល និងការពារដល់ការឃោសនាបោះឆ្នោត របស់គណបក្សនយោបាយនីមួយៗ ក្នុងការឃោសនាបោះឆ្នោត ជ្រើសតាំងតំណាងរាស្ត្រ នីតិកាលទី៧ ឆ្នាំ ២០២៣ ដើម្បីធានាបាននៅសន្តិសុខ សុវត្ថិភាព និងសណ្ដាប់ធ្នាប់សាធារណៈឱ្យបានល្អប្រសើរ ព្រមទាំងបញ្ចៀសការកកស្ទះចរាចរណ៍តាមដងផ្លូវសាធារណៈ របស់ប្រជាពលរដ្ឋ និងភ្ញៀវជាតិ អន្តរជាតិ៕

ប្រភព ៖ រដ្ឋបាលខេត្តតាកែវ