logo
Header Logo
News Detail
thumbnail
ថ្នាក់ដឹកនាំខេត្តកោះកុង អញ្ជើញដឹកនាំកិច្ចប្រជុំពិភាក្សា ដើម្បីស្ថាបនាផ្លូវមួយខ្សែប្រវែង ១០,០០០ម៉ែត្រ នៅស្រុកថ្មបាំង ខេត្តកោះកុង
25
05-Jul-2023
Sub-nation news
Link

នៅថ្ងៃអង្គារ ទី៤ ខែកក្កដា ឆ្នាំ២០២៣ លោក សុខ សុទ្ធី អភិបាលរង នៃគណៈអភិបាលខេត្តកោះកុង ដោយមានការអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្ត បានអញ្ជើញដឹកនាំកិច្ចប្រជុំពិភាក្សាលើសំណើរបស់កងវិស្វកម្មលេខ១៧៨ ស្ពាន-ថ្នល់ ស្នើសូមកាយយកល្បាយគ្រួសក្រហមដើម្បីស្ថាបនាផ្លូវមួយខ្សែប្រវែង ១០,០០០ម៉ែត្រ ចាប់ពីភូមិគគីរជ្រុំ ទៅភូមិត្រពាំងឈើត្រាវ ស្រុកថ្មបាំង ខេត្តកោះកុង ដែលគម្រោងនេះ គឺជាគម្រោងស្ថាបនាផ្លូវក្រាលកៅស៊ូពីរជាន់ DBST។ តាមរយៈកិច្ចប្រជុំពិភាក្សាជាមួយមន្ទីរ អង្គភាពជំនាញពាក់ព័ន្ធ លោក សុខ សុទ្ធី អភិបាលរងខេត្តកោះកុង ក្នុងនាមរដ្ឋបាលខេត្ត បានឯកភាពជាគោលការណ៍ អនុញ្ញាតឱ្យកងវិស្វកម្មលេខ១៧៨ស្ពាន-ថ្នល់ កាយយកក្បាលគ្រួសក្រហម ដើម្បីស្ថាបនាផ្លូវជូនប្រជាពលរដ្ឋ។

ជាមួយគ្នានេះ លោក សុខ សុទ្ធី បានមានប្រសាសន៍ណែនាំថា ក្នុងករណីទីតាំងដីកាយយកល្បាយគ្រួសក្រហម ជាដីស្ថិតនៅក្នុងតំបន់ដីសម្បទានសង្គមកិច្ច ឬដីបំរុងខេត្ត សូមកងវិស្វកម្មលេខ១៧៨ សហការជាមួយអាជ្ញាធរមូលដ្ឋាន ហើយរដ្ឋបាលស្រុក ត្រូវជូនដំណឹងមករដ្ឋបាលខេត្តវិញអំពីទីតាំងដីដែលអាចកាយយកគ្រួសក្រហមមកធ្វើផ្លូវបាន។ ប្រសិនបើទីតាំងដីកាយយកល្បាលគ្រួសក្រហម ជាដីស្ថិតនៅក្នុងតំបន់ការពារធម្មជាតិគ្រប់គ្រងដោយក្រសួងបរិស្ថាន សូមកងវិស្វកម្មលេខ១៧៨ ធ្វើលិខិតសំណើសូមដោយបញ្ជាក់អំពីទីតាំង ផែនទី និយាមកាដីឱ្យបានច្បាស់លាស់ ដើម្បីឱ្យមន្ទីរបរិស្ថានធ្វើសំណើទៅក្រសួងបរិស្ថានតាមនីតិវិធី៕

ប្រភព៖ រដ្ឋបាលខេត្តកោះកុង

thumbnail
thumbnail
thumbnail
thumbnail
thumbnail
thumbnail
About the Ministry
The Ministry of Interior has the authority to lead and manage the local administration at all levels in the field.Administration leads the National Police to protect security and public order and protect the safety of the people in the Kingdom of Cambodia.
Contact
Address: # 275 Preah Norodom Street, Phnom Penh
cambodia@interior.gov.kh
023 721 905 - 023 726 052 - 023 721 190
Media
Download the Ministry of Interior mobile app
2023 - 2025 © All rights reserved by the Ministry of Interior