នាព្រឹកថ្ងៃចន្ទ ទី០១ ខែឧសភា ឆ្នាំ២០២៣នេះ  ឯកឧត្តម ម៉ែន វិបុល អភិបាល នៃគណៈអភិបាលខេ ត្តស្វាយរៀង និងឯកឧត្តម ជុក មុន្នី  រដ្ឋលេខាធិការក្រសួងមុខងារសាធារណៈ និងជាប្រធានក្រុមកា រ​ងាររាជរដ្ឋាភិបាលចុះមូលដ្ឋានក្រុងស្វាយរៀងបានអញ្ជើញជាអធិបតីក្នុងពិធីបើកការដ្ឋាន សាងសង់ផ្លូ​វ​បេតុងអាមេ១ខ្សែប្រវែង ២.៧០៧ម៉ែត្រ ស្ថិតនៅភូមិពភ្លា  និងភូមិអកនាគ  សង្កាត់សង្ឃ័រ  ក្រុង​ស្វាយ​រៀង។

ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ  សមាជិកក្រុមការងា​រថ្នាក់​ជាតិ​ចុះ​មូល​ដ្ឋា​ន​ក្រុងស្វាយរៀង ឯកឧត្តម អភិបាលរងខេត្ត លោក  លោកស្រី ប្រធាន អនុប្រធាន មន្ទីរ-អង្គភាពនានាក្នុងខេត្ត ក្រុមប្រឹក្សាក្រុង គណៈអភិបាលក្រុង លោកនាយកទីចាត់ការហិរញ្ញវត្ថុសា​លា​ខេត្ត នាយ​ករងរដ្ឋបាលសាលាក្រុង  កងកម្លាំងទាំងបី លោកស្រីចៅសង្កាត់ និងក្រុមប្រឹក្សាស​ង្កាត់ស​ង្ឃ័រ ព្រះសង្ឃ លោក លោកស្រី ជាថ្នាក់ដឹកនាំភូមិ ប្រជាការពារ និងប្រជាពលរដ្ឋជាច្រើនរូបទៀត។

មានប្រសាសន៍ទៅកាន់ពិធីនេះឯកឧត្តមអភិបាលខេត្តបានបញ្ជាក់ថា ផ្លូវបេតុង ១ខ្សែ មានប្រវែង ២.​៧០៧ម៉ែត្រ  ដែលយើងបានធ្វើពិធីបើកការដ្ឋាននៅភូមិពភ្លា និងភូមិអកនាគ សង្កាត់សង្ឃ័រ នៅពេ​លនេះ  គឺបានឆ្លើយតបទៅនិងតម្រូវការចាំបាច់ចំពោះមុខរបស់បងប្អូ​នប្រជាពលរដ្ឋដែ​លធ្វើដំណើរលើ​ផ្លូវ នេះក្នុងការប្រកបមុខរបរប្រចាំថ្ងៃ។

ឯកឧត្តមបន្ថែមថា សមិទ្ធផលទាំងនេះ និងសមិទ្ធផលផ្សេងៗទៀត ដែលបានលេចឡើងនៅក្នុ​ងមូ​ល​ដ្ឋាន​របស់យើង គឺជាលទ្ធផលដែលកើតចេញពីផ្លែផ្កានៃសុខសន្តិភាព និងការអភិវឌ្ឍលើគ្រប់វិស័យ ដែល ជាមនុញ្ញផល នៃគោលនយោបាយឈ្នះ-ឈ្នះ និងការដឹកនាំដ៏ត្រឹមត្រូវប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។

ទន្ទឹមនោះក៏អរគុណចំពោះបងប្អូនប្រជាពលរដ្ឋទាំងអស់នៅក្នុងមូលដ្ឋានសង្កាត់សង្ឃ័រយើងនេះ ដែល​​កន្លងមកតែងតែចូលរួមសហការយ៉ាងល្អប្រសើរជាមួយអាជ្ញាធរសង្កាត់ក្នុងការអភិវឌ្ឍមូលដ្ឋាន និង​សូមឲ្យបងប្អូនបន្តនូវវប្បធម៌ដ៏ប្រពៃនេះ ជាពិសេសក្នុងដំណើរការស្ថា​បនាផ្លូវថ្មីឲ្យទទួ​លបានជោ​​គជ័យតាមការគ្រោងទុក និងចូលរូមថែរក្សាដើម្បីធានាឲ្យប្រើប្រាស់បានគង់វង្សយូរអង្វែង ។

ជាចុងបញ្ចប់ ឯកឧត្ដមអភិបាលខេត្ត បានថ្លែងនូវការអរគុណចំពោះបងប្អូនប្រជា​ពលរដ្ឋក្នុងសង្កា​​ត់​សង្ឃ័រទាំងអស់ ដែលកន្លងមកតែងតែចូលរួមសហការយ៉ាងល្អប្រសើរ​ជាមួយអាជ្ញាធរស​ង្កាត់ក្នុង​ការអភិវ​ឌ្ឍមូលដ្ឋាន និងសូមឲ្យបងប្អូនបន្តនូវវប្បធម៌ដ៏ប្រពៃនេះ ជាពិសេសសូមឲ្យបងប្អូនប្រ​ជាព​លរដ្ឋ​ចូលរួមគាំទ្រ និងសហការក្នុងដំណើរការកសាងផ្លូវថ្មីនេះឲ្យទទួលបានជោគជ័យតាមការគ្រោងទុក ហើយក៏សូមឲ្យក្រុមជាងដែលទទួលបន្ទុកសាងសង់ ត្រូវយកចិត្តទុកដាក់ធានាឲ្យបាននូវបទដ្ឋានប​ច្ចេកទេស ដើម្បីផ្លូវរបស់យើងមានគុណភាព និងប្រើប្រាស់បានយូរអង្វែង៕

ប្រភព៖ រដ្ឋបាលខេត្តស្វាយរៀង