ទីស្ដីការក្រសួងមហាផ្ទៃ៖ នៅរសៀលថ្ងៃសុក្រ ទី៣ ខែមករា ឆ្នាំ២០២៥ ឯកឧត្តម សន្តិបណ្ឌិត ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញដឹកនាំកិច្ចប្រជុំប្រកាសក្រុមការងារស្រាវជ្រាវ ប្រមូលនិងរៀបចំចងក្រងប្រវត្តិក្រសួងមហាផ្ទៃ។ កិច្ចប្រជុំនេះដែរ ក៏មានការអញ្ជើញចូលរួមពី ឯកឧត្តម អនុរដ្ឋលេខាធិការ អគ្គនាយករង អគ្គស្នងការរង ព្រមទាំងថ្នាក់ដឹកនាំ ចំណុះក្រសួងមហាផ្ទៃ ជាច្រើនរូបទៀតផងដែរ។ 

ឯកឧត្តមសនិ្តបណ្ឌិត រដ្ឋលេខាធិការប្រចាំការ ក៏បានបែងចែកតួនាទីភារៈកិច្ច ជូនដល់ថ្នាក់ដឹកនាំរបស់ក្រុមការងារស្រាវជ្រាវប្រមូល និងរៀបចំចងក្រងប្រវត្តិក្រសួងមហាផ្ទៃ ដើម្បីសិក្សាស្រាវជ្រាវបន្ថែមទៀត និងស្វែងរកមូលដ្ឋានឱ្យបានកាន់តែច្បាស់ ងាយស្រួលក្នុងការចងក្រងប្រវត្តិក្រសួងមហាផ្ទៃ ឱ្យកាន់តែល្អប្រសើរបន្ថែមទៀត៕ 

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ