ទីស្តីការក្រសួងមហាផ្ទៃ ៖ នាព្រឹកថ្ងៃពុធ ទី១៦ ខែតុលា ឆ្នាំ២០២៤ 

ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយកនៃអគ្គនាយកដ្ឋានធនធានមនុស្ស បានអញ្ជើញដឹកនាំកិច្ចប្រជុំណែនាំអំពីការប្រឡងប្រជែងជ្រើសរើសក្របខ័ណ្ឌមន្រ្តីនគរបាលជាតិបំពេញជួស ប្រចាំឆ្នាំ២០២៤ ដោយមានការអញ្ជើញចូលរួមពី ឯកឧត្តម លោកជំទាវ អគ្គនាយករង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ និងមន្ត្រីចំណុះ នៃអគ្គនាយកដ្ឋានធនធានមនុស្សជាច្រើនរូបទៀត ។

ឯកឧត្តមនាយឧត្តមសេនីយ៍ សាស្ត្រាចារ្យ ក៏បានមានប្រសាសន៍ណែនាំដល់ក្រុមការងារចុះទៅកាន់បណ្ដាអង្គភាពនគរបាល ដែលមានការជ្រើសរើសក្របខ័ណ្ឌមន្ត្រីនគរបាលជាតិសម្រាប់ឆ្នាំ២០២៤ ត្រូវជួយសហការ ទៅលើ ការងារវាស់កម្ពស់និងថ្លឹងទម្ងន់ការងារពិនិត្យសារធាតុញៀន ការងារពិនិត្យកាយសម្បទា ការងារពិនិត្យឯកសារ ការងារបញ្ចូលទិន្នន័យ និងការងារផ្ដល់ឯកសារជាដើម ។

ដោយ៖ អគ្គ​នាយកដ្ឋានបច្ចេកវិទ្យាឌីជីថល​ និងផ្សព្វផ្សាយអប់រំ