ទីស្តីការក្រសួងមហាផ្ទៃ៖ នារសៀលថ្ងៃសុក្រ ទី១៣ ខែធ្នូ ឆ្នាំ២០២៤ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការត្រួតពិនិត្យកិច្ចលទ្ធកម្មកម្រិតធំ ( Major PRC ) អញ្ជេីញដឹកនាំកិច្ចប្រជុំ គណៈកម្មការត្រួតពិនិត្យកិច្ចលទ្ធកម្មកម្រិតធំ គម្រោងធ្វេីឱ្យប្រសេីរឡេីងនៃការគ្រប់គ្រង សំរាម សំណល់រឹង និងសំណល់ប្លាស្ទិក នៅប្រទេសកម្ពុជា។

កិច្ចប្រជុំនេះរៀបចំដោយផ្ទាល់ផង និងតាមរយៈប្រព័ន្ធវីដេអូពីចម្ងាយ Video zoom ផងដែរ ដោយមានការអញ្ជេីញចូលរួមពី ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល និងជានាយកគម្រោង ឯកឧត្តមប្រធាននាយកដ្ឋានមុខងារ និងធនធាន និងជាប្រធានគ្រប់គ្រងគម្រោង 

ព្រមទាំងមានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ តាមប្រព័ន្ធអនឡាញ និងសមាជិកដែលពាក់ព័ន្ធសរុបប្រមាណចំនួន១៥រូប។

កិច្ចប្រជុំមានការពិភាក្សាយ៉ាងផុសផុល និងបានផ្តល់ធាតុចូលសំខាន់ៗសម្រាប់គណៈកម្មាធិការពិនិត្យ និងពិចារណា។ជាចុងក្រោយ ឯកឧត្តមប្រធានគណៈកម្មាធិការ បានមានប្រសាសន៍ថ្លែងអំណរគុណដល់តំណាងក្រសួងស្ថាប័នទាំងអស់ ដែលអញ្ជើញចូលរួម ព្រមទាំងបានណែនាំឱ្យក្រុមការងារលទ្ធកម្មរៀបចំកែសម្រួលទៅតាមអនុសាសន៍របស់ក្រសួងសេដ្ឋកិច្ច និងហិរញ្ញវត្ថុ ជាមួយគ្នានេះ ឯកឧត្តមបានស្នើឱ្យក្រុមការងារ ត្រូវរៀបចំរបាយការណ៍នៃកិច្ចប្រជុំគណៈកម្មការត្រួតពិនិត្យកម្រិតធំផ្ញើជូនទៅកាន់ធនាគារពិភពលោកផងដែរ៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ