ព្រឹកថ្ងៃព្រហស្បតិ៍ ទី១៣ ខែកុម្ភៈ ឆ្នាំ២០២៥ លោក ឈុន សុជាតិ អគ្គលេខាធិការ នៃអគ្គលេខាធិការដ្ឋានគណៈកម្មាធិការ​កែទម្រង់រដ្ឋបាលសាធារណៈ បានអញ្ជើញធ្វើបទបង្ហាញ​ស្តីពីការងារកែទម្រង់​រដ្ឋបាលសាធារណៈទៅកាន់​អង្គសន្និបាតត្រួតពិនិត្យលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់ក្រសួងមហាផ្ទៃ និងបូកសរុបចលនាប្រឡងប្រណាំងអនុវត្តគោលនយោបាយ “ភូមិ-ឃុំ-សង្កាត់មានសុវត្ថិភាព។

លោក ឈុន សុជាតិ បានលើកយកវិធានការគន្លឹះទាំង ០៣ ក្នុងការកែទម្រង់រដ្ឋបាលសាធារណៈដោយក្នុងនោះរួមមាន ៖

- ការដាក់ឱ្យអនុវត្ត ប្រព័ន្ធជ្រើសរើស មន្ត្រីចូលបម្រើ ការងារប្រកបដោយ គុណាធិបតេយ្យ តម្លាភាព យុត្តិធម៌ បរិយាប័ន្ទ និង ប្រសិទ្ធភាព។

- ការពង្រឹងសមត្ថភាព និងសមិទ្ធកម្មស្ថាប័ន ដើម្បីលើកកម្ពស់ គុណភាពការងារ ប្រកបដោយវិន័យ សីលធម៌ វិជ្ជាជីវៈ ប្រសិទ្ធភាព និង ស័ក្តិសិទ្ធភាព។

- ការដាក់ឱ្យអនុវត្ត ប្រព័ន្ធលើកទឹកចិត្ត គាំទ្រសមិទ្ធកម្ម ប្រកបដោយ សង្គតិភាព សមធម៌ ប្រសិទ្ធភាព និងចីរភាព ៕

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ