ព្រះវិហារ៖ នៅរសៀលថ្ងៃទី២៥ ខែមិថុនា ឆ្នាំ២០២៦ លោកឧត្តមសេនីយ៍ទោ សួស សុខដារ៉ា ស្នងការ នៃស្នងការដ្ឋាននគរបាលខេត្ត បានដឹកនាំកិច្ចប្រជុំ បូកសរុបលទ្ធផលកិច្ចប្រតិបត្តិការប្រចាំខែមិថុនា ឆ្នាំ២០២៦ និងលើកទិសដៅការងារបន្ត ។

ក្នុងកិច្ចប្រជុំនេះ បានការអញ្ជើញចូលរួមពីលោក លោកស្រីស្នងការរង លោក លោកស្រីនាយ នាយរងការិយាល័យ លោក លោកស្រីនាយផ្នែកជំនាញពាក់ព័ន្ធនិងលោកនាយប៉ុស្តិ៍នគរបាលរដ្ឋបាលទាំង ៥១ប៉ុស្តិ៍ សរុប ២៤៨នាក់ ស្រី ១៧នាក់។

លោកឧត្តមសេនីយ៍ទោ សួស សុខដារ៉ា ស្នងការ នៃស្នងការដ្ឋាននគរបាលខេត្ត បានមានប្រសាសន៍ថា៖

-គ្រប់តាមបណ្តាផែនជំនាញនីមួយៗ ត្រូវបន្តយកចិត្តទុកដាក់អនុវត្តការងារ ទៅតាមតួនាទីភារកិច្ចរបស់ខ្លួន និងគោរពវិន័យកងកម្លាំងនគរបាលជាតិឱ្យបានត្រឹមត្រូវ។

-ផែនការងារអន្តោរប្រវេសន៍ និងផែនការងារព្រហ្មទណ្ឌត្រូវខិតខំបង្រ្កាបស្គេមអ៊នឡាញ(Online Scams)និងត្រូវត្រួតពិនិត្យរាល់ការស្នាក់ នៅរបស់ជនអន្តោរប្រវេសន៍ ដែលបានមកស្នាក់នៅតាមផ្ទះសំណាក់សណ្ឋាគារឬ មួយនៅតាមរីស៊តផ្សេងៗ ក្នុងភូមិសាស្រ្តខេត្ត

-នៅតាមបណ្តាអធិការនគរបាលក្រុង.ស្រុកទាំង៨ ត្រូវខិតខំយកចិត្តទុកដាក់អនុវត្តការងារទៅតាមតួនាទីនិងភារកិច្ចរបស់ខ្លួន និងត្រូវខិតខំយកចិត្តទុកដាក់បង្ការនិងបង្រ្កាប បទល្មើសគ្រឿងញៀន និងល្បែងសុីសងគ្រប់ប្រភេទ ក្មេងទំនើង ដោយអនុវត្តនូវគោលនយោបាយភូមិឃុំសង្កាត់មានសុវត្ដិភាព។

-ត្រូវខិតខំជំរុញកាផ្តល់អត្តសញ្ញាណបណ្ណជូនប្រជាពលរដ្ឋ ដែលគ្រប់អាយុអោយមកធ្វើអត្តសញ្ញាណបណ្ណ ប្រើប្រាសអោយបានគ្រប់ៗគ្នាទាំងអស់នេះគឺជាគោលការណ៍របស់រាជរដ្ឋាភិបាលដែលបានដាក់ចុះ។

ប្រភព៖ ស្នងការដ្ឋាននគរបាលខេត្តព្រះវិហារ