ថ្ងៃសុក្រទី២៤ ខែកញ្ញា ឆ្នាំ២០២១ លោក សុខ សុទ្ធី អភិបាលរងខេត្តកោះកុង តំណាងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញចុះពិនិត្យការឈូសឆាយទីតាំងដីសម្រាប់ដោះស្រាយគោលនយោបាយ ជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគអភិវឌ្ឍន៍របស់ក្រុមហ៊ុនយូញៀន។

សកម្មភាពឈូសឆាយទីតាំងដីនេះ គឺឈូសឆាយព្រំទីតាំងដី ឈូសឆាយផ្លូវក្នុងទីតាំងដី និងការឈូសឆាយរៀបចំដីជាឡូត៏សម្រាប់ធ្វើការដោះស្រាយគោលនយោបាយជូនប្រជាពលរដ្ឋ។

ទីតាំងដីសម្រាប់ធ្វើការដោះស្រាយគោលនយោបាយជូនប្រជាពលរដ្ឋដែលរងផលប៉ះពាល់ដោយសារគម្រោងវិនិយោគអភិវឌ្ឍន៍របស់ក្រុមហ៊ុនយូញៀនមានទំហំ ២៥០០ហិកតា ស្ថិតនៅចម្លោះទីតាំងដីក្រុមហ៊ុនយូញៀន និងតំបន់សេដ្ឋកិច្ចពិសេស (អតីតដីក្រុមហ៊ុនឋានសួគ៌) ស្រុកបូទុមសាគរ ខេត្តកោះកុង៕

ប្រភព៖ រដ្ឋបាលខេត្តកោះកុង