logo
Header Logo
ព័ត៌មានលម្អិត
thumbnail
អភិបាលខេត្តកំពង់ចាម អញ្ជើញទទួលអំណោយឧបត្ថម្ភជាគ្រឿងបរិក្ខារពេទ្យ ពីសប្បុរសជន
51
30-July-2021
ព័ត៌មាន​ថ្នាក់​ក្រោម​ជាតិ
តំណរភ្ជាប់

នៅរសៀលថ្ងៃទី២៩ ខែកក្តដា ឆ្នាំ២០២១នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ និងឯកឧត្ដមអភិបាលរងខេត្ត បានអញ្ជើញទទួលអំណោយឧបត្ថម្ភជាគ្រឿងបរិក្ខារពេទ្យ ពីសប្បុរសជនជូនគណៈកម្មការខេត្តប្រយុទ្ធនឹងជំងឺកូវីដ-១៩។

ក្នុងឱកាសនោះដែរ ឯកឧត្តម អ៊ុន ចាន់ដា បានថ្លែងអំណរគុណ យ៉ាងជ្រាលជ្រៅបំផុត ចំពោះសមាគមន៍ចិន PUNDARIKA CHARITY, OVERSEAS CHINESE CHARITY FOUNDATION OF CHINA, ASSOCIATION DEVELOPMENT INDUSTRY & COMMERCE ZHE JIANG នៅកម្ពុជា និងក្រុមហ៊ុន East ASIA JIAYUAN Real Estate Co, LTD ដែលបានឧបត្ថម្ភ នូវឧបករណ៍ម៉ាស៊ីនផលិតអុកស៊ីសែន ចំនួន ០៥គ្រឿង និងសម្ភារៈបរិក្ខាពេទ្យមួយចំនួនទៀត ជូនដល់គណៈកម្មការខេត្តប្រយុទ្ធនឹងជម្ងឺកូវីដ ១៩ ដើម្បីយកទៅប្រើប្រាស់ក្នុងយុទ្ធនាការ ប្រយុទ្ធនឹងជម្ងឺកូវីដ ១៩ ក្នុងក្របខណ្ឌខេត្តកំពង់ចាម ពិសេសបម្រើដល់ការបង្កើនសមត្ថភាពបន្ថែមដល់មន្ទីរពេទ្យមេគង្គកំពង់ចាម ដែលទទួលបន្ទុកក្នុងការព្យាបាលអ្នកជំងឺកូវីដ-១៩ ព្រឹត្តិការណ៍សហគមន៍ ២០ កុម្ភៈ មកនោះ។

ឯកឧត្តម ប្រធានគណៈកម្មការខេត្ត ប្រយុទ្ធនឹងជម្ងឺកូវីដ-១៩ បានចាត់ទុកថា អំណោយមនុស្សធម៌ដែលបានផ្ដល់ជូនរដ្ឋបាលខេត្ត នាពេលនេះ គឺជាការចូលរួមចំណែកយ៉ាងសំខាន់ ជាមួយរដ្ឋបាលខេត្ត ក៏ដូចជាប្រមុខរាជរដ្ឋាភិបាលកម្ពុជា ខណៈដែលយើងទាំងអស់គ្នា កំពុងរួមគ្នា ដើម្បីប្រយុទ្ធប្រឆាំងនឹងជម្ងឺ ដ៏កាចសាហាវ មួយនេះ៕

​ប្រភព៖ រដ្ឋបាលខេត្តកំពង់ចាម

thumbnail
thumbnail
thumbnail
thumbnail
thumbnail
thumbnail
thumbnail
អំពីក្រសួង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។
ទំនាក់ទំនង
អាស័យដ្ឋាន: #275 ​ផ្លូវព្រះនរោត្តម, ក្រុងភ្នំពេញ
cambodia@interior.gov.kh
023 721 905 - 023 726 052 - 023 721 190
ប្រព័ន្ធ​ផ្សព្វ​ផ្សាយ
ទាញយកកម្មវិធីទូរស័ព្ទក្រសួងមហាផ្ទៃ
ឆ្នាំ 2023 - 2025 © រក្សាសិទ្ធិគ្រប់យ៉ាងដោយ ក្រសួងមហាផ្ទៃ