នាព្រឹកថ្ងៃព្រហស្បតិ៍ ១២កើត ខែពិសាខ ឆ្នាំច សំរឹទ្ធិស័ក ព.ស.២៥៦១ ត្រូវនិងថ្ងៃទី២៦ ខែមេសា ឆ្នាំ២០១៨ រដ្ឋបាលរាជធានីភ្នំពេញបានប្រារព្ធពិធីបើកសិក្ខាសាលាស្តីពី «ការបង្ហាញលទ្ធផល និងវឌ្ឍនភាពគម្រោងសហការលើការអភិវឌ្ឍនគរូបនីយកម្ម រវាងរដ្ឋបាលរាជធានីភ្នំពេញ និងសាលាក្រុងប៉ារីស»ក្រោមអធិបតីភាព ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ។ សិក្ខាសាលាបានបង្ហាញពីលទ្ធផល ស្តីពីការសិក្សាតំបន់ភាគខាងត្បូងរាជធានីភ្នំពេញ រួមមាន៖ បទបង្ហាញផែនទីនៃគម្រោងអភិវឌ្ឍន៍ក្នុងតំបន់បឹងជើងឯក និងទិន្នន័យដែលប្រមូលបាន, គម្រោងអភិវឌ្ឍន៍ផ្នែក បណ្ដាញធារាសាស្ត្រ ដើម្បីជួយតំបន់ប៉ែកខាងត្បូងរាជធានីភ្នំពេញចៀសផុតពីគ្រោះទឹកជំនន់, ការលើកកម្ពស់តម្លៃនៃបរិស្ថាន និងសេដ្ឋកិច្ច, ការវិភាគទៅលើវិស័យទេសចរណ៍ និងការលើកគម្រោងប្លង់បណ្តាញផ្លូវ នៃគម្រោងអភិវឌ្ឍន៍ ដោយផ្អែកលើគម្រោងដែលមានស្រាប់ ។ ប្រភពព័ត៌មាន: រដ្ឋបាលរាជធានីភ្នំពេញ (ថ្ងៃទី២៦ ខែមេសា ឆ្នាំ២០១៨)
