នាព្រឹកថ្ងៃអង្គារ ០៣ រោច ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៣ ខែមេសា ឆ្នាំ២០១៨ នៅសាលាខេត្តកណ្តាល មានរៀបចំកិច្ចប្រជុំបូកសរុប និងផ្សព្វផ្សាយការងារគ្រប់គ្រងគ្រោះមហន្តរាយឆ្នាំ២០១៧ និងទិសដៅឆ្នាំ២០១៨ និងការផ្សព្វផ្សាយគោលនយោបាយបាយថ្មីៗរបស់រាជរដ្ឋាភិបាលកម្ពុជា ក្រោមអធិបតីភាព ឯកឧត្តមបណ្ឌិត ញឹម វណ្ណដា ទេសរដ្ឋមន្ត្រី ទទួលបន្ទុកអនុប្រធានប្រចាំការ និងជាប្រធានគណៈកម្មាធិការប្រតិបត្តិ នៃគណៈកម្មាធិការជាតិគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯ.ឧ ម៉ៅ ភិរុណ អភិបាលនៃគណៈអភិបាលខេត្តកណ្តាល និងជាប្រធានគណៈកម្មការគ្រប់គ្រងគ្រោះមហន្តរាយខេត្តកណ្តាល។ សមាសភាពអញ្ជើញចូលរួម មាន៖ ឯកឧត្តម លោកជំទាវ ប្រតិភូនៃគណៈកម្មាធិការគ្រប់គ្រងគ្រោមហន្តរាយ, ឯកឧត្តម លោកជំទាវអភិបាលរងខេត្តលោក, លោកស្រីប្រធាន អនុប្រធានមន្ទីរ អង្គភាព ជុំវិញខេត្ត, អភិបាល អភិបាលរងក្រុង ស្រុក,លោកមេបញ្ជាការកងកម្លាំងទាំងបីក្រុងស្រុក, លោកមេឃុំ ចៅសង្កាត់ តំណាងដៃគូអភិវឌ្ឍន៍ និងមន្ត្រីពាក់ព័ន្ធ សរុបចំនួនប្រមាណ៤៥០ នាក់។ *ក្នុងឱកាសនោះដែរ ឯ.ឧ គណៈអធិបតី បានឧបត្ថម្ភដល់៖ + មន្ត្រីកងកម្លាំងថ្នាក់ខេត្ត មន្ទីរជុំវិញ អង្គភាពជុំវិញខេត្ត និងមន្ត្រី កងកម្លាំងអញ្ជើញមកពីក្រុងតាខ្មៅចំនួន ១២៩ នាក់ ក្នុងម្នាក់ៗទទួលបានថវិកា២ ម៉ឺននាក់។ + មន្ត្រី និងកម្លាំងអញ្ជើញមកពីស្រុក និង ឃុំ ចំនួន២៣៥ នាក់ ក្នុងម្នាក់ៗទទួលបានថវិកាចំនួន ៣ ម៉ឺនរៀល៕ ប្រភពព័ត៌មាន: រដ្ឋបាលខេត្តកណ្តាល
