ប្រជាពលរដ្ឋពិតជាសប្បាយរីករាយនៅពេលដែលផ្លូវ១ខ្សែនេះត្រូវបានជួសជុល និឹងរួចមុនចូលឆ្នាំខ្មែរ ក្រោមការចង្អុលបង្ហាញរបស់ឯកឧត្តម គួច ចំរើន អភិបាល ខេត្តកំពង់ចាម ។ នារសៀលថ្ងៃទី២៦ ខែមីនា ឆ្នាំ២០១៨ នេះឯកឧត្តម គួច ចំរើន អភិបាលខេត្ត បានអញ្ជើញចុះពិនិត្យផ្លូវក្រាលដីដា ១ខ្សែ ប្រវែង ៨,៥គម ឆ្លងកាត់ភូមិរមូល ឃុំរអាង ឆ្ពោះទៅភូមិវាលក្រៀល ឃុំទ្រាន នៃស្រុកកំពង់សៀម ខេត្តកំពង់ចាម ។ ផ្លូវមួយខ្សែនេះ ជាប្រភេទគម្រោងជួសជុលបន្ទាន់ ប្រើប្រាស់ថវិកា និងអនុវត្ត ដោយក្រសួងអភិវឌ្ឍន៍ និងជនបទ ។ គួរំលឹកផងដែរថា នាសប្តាហ៍មុននេះ ក្រោយពីបានពិនិត្យផ្លូវពីស្រុកស្ទឹងត្រង់ ទៅស្រុកកំពង់សៀម ដោយមើលឃើញថាប្រជាជននៅតំបន់ជួបការលំបាកក្នុងការធ្វើដំណើរមកកាន់ក្រុងកំពង់ចាម ក៏ដូចជាទៅកាន់តំបន់នានា ឯកឧត្តម ក៏បានជំរុញអោយមន្រ្តីជំនាញពិនិត្យសិក្សា ជាលទ្ធផលផ្លូវនេះក៏បានចាប់ផ្តើមជួសជុលឡើងវិញ។ ប្រភពព័ត៌មាន: រដ្ឋបាលខេត្តកំពង់ចាម ( ថ្ងៃទិ ២៦ ខែមីនា ឆ្នាំ២០១៨)