ថ្ងៃសុក្រ ៩រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៩ ខែកុម្ភៈ ឆ្នាំ២០១៨ ឯកឧត្ដម ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ ឯកឧត្តម ស សុខា អ្នកតំណាងរាស្រ្តមណ្ឌលព្រៃវែង និងឯកឧត្តម ជា សុមេធី អភិបាលខេត្តព្រៃវែង បានអញ្ជើញជាអធិបតីក្នុងពិធីសំណេះសំណាលជាមួយកងកម្លាំងទាំងបី នៅស្នងការដ្ឋាននគរបាលខេត្តព្រៃវែង។ ក្នុងឱកាសនេះដែរ ឯកឧត្តម អភិបាលខេត្ត សូមសម្តែងនូវអំណរគុណយ៉ាងជ្រាលជ្រៅ ចំពោះការអនុវត្ត តួនាទីភារកិច្ច របស់កងកម្លាំងទាំងបី ដែលបានបំពេញការងារនាពេលកន្លងមក ប្រកបដោយកម្លាំងកាយ កម្លាំងចិត្ត ប្រាជ្ញា ស្មារតី ក្នុងតួនាទី ភារកិច្ច ជាសមត្ថកិច្ច ថែរក្សាបាននូវសន្តិសុខ សុវត្ថិភាព ជូនប្រជាពលរដ្ឋ និងរដ្ឋបាលខេត្តបានយ៉ាងល្អ ស្របតាមគោលនយោបាយដឹកនាំត្រឹមត្រូវ របស់រាជរដ្ឋាភិបាល និងឆ្លើយតបបាន សំណូមពរនានា របស់ប្រជាពលរដ្ឋនៅមូលដ្ឋាន។ ជាថ្មីម្តងទៀត ឯកឧត្តម អភិបាលខេត្ត សូមថ្លែងអំណរគុណយ៉ាងជ្រាលជ្រៅ ចំពោះវត្តមានដ៏ថ្លៃថ្លារបស់ ឯកឧត្តម ទាំងពីរ ដែលបានឆ្លៀតយកពេលវេលាដ៏មមាញឹក និងមានតម្លៃ ដែលបានអញ្ជើញជាអធិបតីក្នុងពិធីសំណេះសំណាលជាមួយកងកម្លាំងទាំងបីនាឧកាសនេះ និងសូមគោរពជូនពរ ឯកឧត្តម គណអធិបតី សូមមានសុខភាពបរិបូរណ៍ ប្រាជ្ញាឈ្លៀសវៃ និងជ័យជំនះគ្រប់ភារកិច្ច។
ប្រភពព័ត៌មាន: រដ្ឋបាលខេត្តព្រៃវែង