ពិធីប្រកាសចូលកាន់មុខតំណែងប្រធានមន្ទីរព័ត៌មានខេត្តបាត់ដំបង
ព្រឹកថ្ងៃអង្គារ ១៥រោច ខែបុស្ស ឆ្នាំរការ នព្វស័ក ព.ស២៥១៦ ត្រូវនឹងថ្ងៃទី១៦ ខែមករា ឆ្នាំ២០១៨ ឯកឧត្តម អ៊ុយ រី ប្រធានក្រុមប្រឹក្សាខេត្ត និង ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានអញ្ជើញចូលរួមក្នុងពិធីប្រកាសចូលកាន់មុខតំណែងប្រធានមន្ទីរព័ត៌មានខេត្តបាត់ដំបង ក្រោមអធិបតីភាព ឯកឧត្តម ថាច់ ផែន រដ្ឋលេខាធិការ ក្រសួងព័ត៌មាន នៅសាលប្រជុំសាលាខេត្តបាត់ដំបង។ ក្នុងពិធីនេះក៏មានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោកអភិបាលក្រុង ស្រុក មន្ទីរ អង្គភាពជុំវិញខេត្ត មន្រ្តីរាជការ ព្រមទាំងអ្នកសារព័ត៌មានជាច្រើនរូបទៀត។ត្រូវបានតែងតាំងលោក សួស សុភ័ក្រ ជាប្រធានមន្ទីរព័ត៌មានខេត្តបាត់ដំបង នៃក្រសួងព័ត៌មាន ជំនួសលោកស្រី ប៉ុក ច័ន្ទធារី ដែលត្រូវទទួលភារកិច្ចថ្មី ។
ប្រភពព័ត៌មាន: រដ្ឋបាលខេត្តបាត់ដំបង ( ថ្ងៃទី១៦ ខែមករា ឆ្នាំ២០១៨)
