នៅថ្ងៃអង្គារ ៩កើត ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧នេះ ឯកឧត្តម ជុក មុន្នី អនុរដ្ឋលេខាធិការក្រសួងមុខងារសាធារណៈ តំណាងឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្រ្តីក្រសួងមុខងារសាធារណៈ និងឯកឧត្តម ហ៊ូ វតនៈ អភិបាលរង នៃគណៈអភិបាលខេត្តស្វាយរៀង តំណាងខេត្តឯកឧត្តម ម៉ែន វិបុល អភិបាល នៃគណៈអភិបាលខេត្ត បានអញ្ជើញជាអធិបតីក្នុងពិធីបើកសិក្ខាសាលា ស្តីពីច្បាប់ និងលិខិតបទដ្ឋានគតិយុត្តពាក់ព័ន្ធនឹងការគ្រប់គ្រងមន្រ្តីរាជការ ដែលសហការរៀបចំដោយរដ្ឋបាលខេត្តស្វាយរៀង និងមន្ទីរមុខងារសាធារណៈខេត្ត នៅសាលប្រជុំសាកលវិទ្យាល័យស្វាយរៀង ។ សិក្ខាសាលានេះក៏មានការអញ្ជើញចូលរួមពីឯកឧត្តមទីប្រឹក្សាក្រសួងមុខងារសាធារណៈ ឯកឧត្តម លោកជំទាវសមាជិកក្រុមប្រឹក្សាខេត្ត លោកអគ្គនាយករង នៃអគ្គនាយកដ្ឋានគ្រប់គ្រងមុខងារសាធារណៈ លោក លោកស្រី អភិបាល អភិបាលរងក្រុង ស្រុក ទាំង៨ ប្រធាន អនុប្រធានមន្ទីរជំនាញ ប្រធានការិយាល័យ និងមន្ត្រីក្របខ័ណ្ឌថ្មី សរុបប្រមាណ ៦០០ នាក់ ៕ ប្រភពព័ត៌មាន: រដ្ឋបាលខេត្តស្វាយរៀង (ថ្ងៃទី២៦ ខែធ្នូ ឆ្នាំ២០១៧)