នាព្រឹកថ្ងៃព្រហស្បតិ៍ ១២រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែឧសភា ឆ្នាំ២០១៩នេះ លោកស្រី ឈុន រ៉ាវុធ អភិបាលរងខេត្តកោះកុង បានអញ្ជើញជាធិបតី ក្នុងវេទិកាសាធារណៈដើម្បីលើកកម្ពស់ការយល់ដឹងពាក់ព័ន្ធ នឹងការបង្ការទប់ស្កាត់អំពើជួញដូរមនុស្ស នៅសង្កាត់ស្ទឹងវែង ក្រុងខេមរភូមិន្ទ។

      លោកស្រីអភិបាលរង បានលើកឡើងថា អំពីចំណាកស្រុក ដោយប្រថុយប្រថាន ត្រូវមានឯកសារច្បាស់លាស់ជៀសវាងការចាញ់បោកមេខ្យល់ ជាមួយគ្នានេះដែរសូមអោយអាជ្ញាធរ និងប្រជាពលរដ្ឋ ជួយផ្តល់ព័ត៌មានអំពីអ្នកដែលលួងលោម អោយប្រជាពលរដ្ឋធ្វើចំណាកស្រុក ត្រូវពន្យល់ណែនាំពួកគាត់អោយរកការងារនៅក្នុងប្រទេស និងចូលរួមទប់ស្កាត់ការធ្វើអាជីវកម្មផ្លូវភេទ ក្នុងវិស័យទេសចរណ៍៕ រតនា

ប្រភព៖ រដ្ឋបាលខេត្តកោះកុង