នាព្រឹកថ្ងៃព្រហស្បតិ៍ ១២រោច ខែពិសាខ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៣០ ខែឧសភា ឆ្នាំ២០១៩នេះ លោក សុខ សុទ្ធី អភិបាលកោះកុង បានអញ្ជើញទទួលស្វាគមន៍ ឯកឧត្តម មាស ម៉ូនីកា អនុរដ្ឋលេខាធិការ និងជាប្រធានគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការ នៃក្រសួង សាធារណការ និងដឹកជញ្ជូន ក្នុងសិក្ខាសាលាផ្សព្វផ្សាយខ្លឹមសារអនុក្រឹត្យ ស្ដីពីការគ្រប់គ្រងប្រព័ន្ធលូ និងប្រព័ន្ធប្រព្រឹត្តកម្មទឹកកខ្វក់ និងការបណ្ដុះបណ្ដាលមន្ត្រី នៅការិយាល័យច្រកចេញចូលតែមួយក្រុង ស្រុក ទៅលើមុខងារដែលបានធ្វើប្រតិភូកម្ម។

      លោកអភិបាលរងខេត្ត បានលើកឡើង អំពីស្ថានភាពភូមិសាស្រ្ត ប្រជាសាស្ត្រ និងសក្តានុពល និងសមិទ្ធផលនានា របស់ខេត្តកោះកុង ជូនអង្គពិធី។ លោកបានគូសបញ្ជាក់ថា ខេត្តកោះកុង ក៏ដូចជាក្រសួងសាធារណការ និងដឹកជញ្ជូន គឺត្រូវរៀបចំផែនការយុទ្ធសាស្ត្រ ផែនការមេ ផែនការសកម្មភាព កម្មវិធី និងគម្រោងផ្សេងៗ ដែលទាក់ទងទៅនឹងការគ្រប់គ្រងប្រព័ន្ធលូ ប្រព័ន្ធប្រតិកម្មទឹកកខ្វក់ និងការបណ្ដុះបណ្ដាលដល់មន្ត្រី នៃការិយាល័យច្រកចេញចូលតែមួយក្រុង ស្រុក ទៅលើមុខងារដែលក្រសួងបានប្រតិកម្មឲ្យនៅខេត្តកោះកុង ឲ្យបានកាន់តែច្បាស់លាស់។ ពង្រឹងការត្រួតពិនិត្យ ការបង្ការ និងការចាត់វិធានការនានា ដើម្បីទប់ស្កាត់រាល់សកម្មភាពអសកម្មទាំងឡាយដែលអាចធ្វើឲ្យមានផលប៉ះពាល់ដល់ប្រព័ន្ធទឹក និងបរិស្ថាន៕ រតនា

ប្រភព៖ រដ្ឋបាលខេត្តកោះកុង