លោក អម សុភា អភិបាលរងខេត្ត និងជាប្រធានគម្រោង LASED II ខេត្តកំពង់ឆ្នាំង រួមដំណើរដោយ អភិបាលស្រុកសាមគ្គីមានជ័យ ទីប្រឹក្សាប្រតិបត្តិ ទីប្រឹក្សាបច្ចេកទេសគម្រោង LASED II ប្រចាំខេត្ត បានចុះសិក្សាស្វែងយល់អំពីការតាំងទីលំនៅ ការប្រកបរបរកសិកម្ម(ចិញ្ចឹមសត្វ ដាំដំណាំ) របស់សម្បទានិក នៅភូមិសំបុក្រក្រៀល ចុះពិនិត្យសំណង់អាគារសិក្សានៅភូមិខ្សាច់ស និងស្តាប់របាយការណ៍វឌ្ឍនភាពនៃការការសាងសង់ និងជួសជុលផ្លូវលំក្រាលគ្រួសក្រហមក្នុងតំបន់សម្បទានទាំង ៤ តំបន់។
ក្នុងពេលជួបសំណេះសំណាល នាថ្ងៃចន្ទ ៣រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី២២ ខែមេសា ឆ្នាំ២០១៩នោះ លោក អម សុភា បានលើកឡើងនូវចំណុចសំខាន់ៗដូចខាងក្រោម៖
-សូមអាជ្ញាធរភូមិ បងប្អូនសប្បទាននិកដែមានមុខនៅទីនេះជួយផ្សព្វផ្សាយដល់សប្បទាននិកទាំងអស់មកតាំងទីលំនៅអចិន្ត្រៃយ៍ និងប្រើប្រាស់ដីដែលបានបែងចែកឲ្យអស់លទ្ធភាព។ -អាជ្ញាធរភូមិ ឃុំ ស្រុកត្រូវរិះរកគ្រប់មធ្យោបាយដោះស្រាយឲ្យបាននូវការទន្រ្ទានកាន់កាប់ដីរដ្ឋ។ -កោះអញ្ជើញក្រុមហ៊ុនសាងសង់អាគារសិក្សាមកពិភាក្សាគ្នា ដើម្បីផ្តល់មតិជូនក្រុមហ៊ុនឲ្យកែតម្រូវនូវចំណុចខ្វះខាត។ -ត្រូវពិភាក្សាជាមួយថ្នាក់ជាតិចំពោះអាគារសិក្សាអាចសុំប្រើប្រាស់មុនប្រគល់ទទួលផ្លូវការបានទេ? -សំណូមពរឲ្យក្រុមហ៊ុនទទួលការសាងសង់ ជួសជុលផ្លូវពន្លឿនការងារ ៕ មុនីរម្យ
ប្រភព៖ រដ្ឋបាលខេត្តកំពង់ឆ្នាំង