ព្រឹកថ្ងៃសៅរ៍ ៣រោច ខែផល្គុន ឆ្នាំច សំរឹទ្ធស័ក ព.ស២៥៦២ ត្រូវនឹង ថ្ងៃទី២៣ ខែមិនា ឆ្នាំ២០១៩
នៅភូមិភ្នំលាវ ឃុំពងទឹក ស្រុកដំណាក់ចង្អើរខេត្តកែប ឯកឧត្ដម កែន សត្ថា អភិបាល នៃគណៈអភិបាលខេត្តកែប បានអញ្ជើញជាអធិបតីក្នុង ពិធី ប្រកាសតំបន់វិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធ ដែលរៀបចំដោយមន្ទីររៀបចំដែនដី នគរូបណីយកម្ម សំណង់ នុងសុរិយោដី ក្នុងឱកាសនោះក៏មានការអញ្ជើញចូលរួមពី អភិបាលរងខេត្ត ប្រធានមន្ទីរ អង្អភាព កងកម្លាំងប្រដាប់អាវុធ អាជ្ញាធរមូលដ្ឋាន មន្ត្រីរាជការ និងប្រជាជលរងសរុប ៣៥០រូប។
ក្នុងឱកាសនេះដែរ ឯកឧត្ដមអភិបាលខេត្ត បានណែនាំ និងផ្ដល់អនុសាសន៍ថា ថ្ងៃនេះ មន្ទីររៀបចំដែនដីនគរូបនីយកម្មសំណង់ និងសុរិយោដីខេត្តកែប បានរៀបចំពិធីប្រកាស់តំបន់វិនិច្ឆ័យចុះបញ្ជីដីធ្លីមានលក្ខណៈប្រព័ន្ធ ភូមិភ្នំលាវ ឃុំពងទឹក ស្រុកដំណាក់ចង្អើខេត្តកែប ដោយមានការចូលរួមពីសំណាក់ប្រជាពលរដ្ឋ អាជ្ញាធរដែនដី និងមន្រ្តីបច្ចេកទេសទាំងអស់ ដើម្បីចូលរួមស្ដាប់ការផ្សព្វផ្សាយសេចក្ដីប្រកាស់កំណត់តំបន់ធ្វើការវិនិច្ឆ័យ និងការពន្យល់ណែនាំពីមន្រ្តីគ្រប់គ្រងតំបន់វិច្ឆ័យ ឫតំណាងគណៈកម្មការរដ្ឋបាលស្ដីពីដំណើការវិនិច្ឆ័យ បំភ្លឺពីបញ្ហាច្បាប់ និងឆ្លើយរាល់សំនួរដែលទាក់ទងនឹងការវិនិច្ឆ័យ។ ការបែងចែកដីធ្លីលើកនេះមានការចូមរួមពីកម្លាំងយុវជនស្មគ្រ័ចិត្តសម្ដេចតេជោរួមជាមួយមន្រ្តីបច្ចេកទេសបានចុះវាស់វែងដីធ្លីដែលប្រជាពលរដ្ឋបានរស់នៅ ដាំដុះ កាន់កាប់ជាក់ស្ដីលើដីគម្របព្រៃឈើ ឆ្នាំ២០០២ និងដីសាធារណៈរបស់រដ្ឋផ្សេងៗទៀត៕ មុនីរម្យ
ប្រភព៖ រដ្ឋបាលខេត្តកែប