នារសៀលថ្ងៃសុក្រ ០៣កើត ខែផល្គុន ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៨ ខែមីនា ឆ្នាំ២០១៩ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានទទួលជួបសម្ដែងការគួរសម និងពិភាក្សាការងារជាមួយលោក ព្យែរ ប៊ៃយ៉េ អគ្គលេខាធិការអចិន្ត្រៃយ៍របស់សមាគមអន្តរជាតិនៃអភិបាលក្រុងប្រើប្រាស់ភាសាបារាំង ( AIMF ) ដែលរាជធានីភ្នំពេញនឹងធ្វើជាម្ចាស់ផ្ទះក្នុងកិច្ចប្រជុំសមាជិកគណៈកម្មការអចិន្ត្រៃយ៍របស់សមាគម AIMF នាចុងឆ្នាំនេះ។ បន្ថែមលេីសពីនេះភាគីទាំងពីរបានចុះហត្ថលេខាលើកិច្ចព្រមព្រៀងផ្ដល់ជំនួយសម្រាប់គម្រោង " ការពង្រឹងសមត្ថភាពរដ្ឋបាលថ្នាក់ក្រោមជាតិនៅព្រះរាជាណាចក្រកម្ពុជាក្នុងវិស័យរៀបចំក្រុងប្រកបដោយនិរន្តរភាព ដើម្បីរៀបចំតំបន់អាណាធិបតេយ្យឡើងវិញក្នុងទីក្រុង និងធានាផ្ដល់នូវលទ្ធភាពក្នុងការទទួលបានសេវាសំខាន់ៗ ផ្សេងៗសម្រាប់សហគមន៍ក្រីក្រ " រវាងរដ្ឋបាលរាជធានីភ្នំពេញ និងសមាគមអន្តរជាតិនៃអភិបាលក្រុងប្រើប្រាស់ភាសាបារាំង ( AIMF )ផងដែរ៕ គឹមអាន
ប្រភព: រាជធានីភ្នំពេញ
