logo
Header Logo
ព័ត៌មានលម្អិត
thumbnail
អភិបាលខេត្តកំពង់ធំ ស្នើឱ្យស្នងការជំរុញលើកទឹកចិត្តដល់ស្ត្រីជាកងកម្លាំងនគរបាលជាតិ បានចូលកាន់តួនាទីក្នុងមុខតំណែងជាថ្នាក់ដឹកនាំក្នុងអង្គភាពនីមួយៗ យ៉ាងតិចមានស្ត្រីម្នាក់ មានតួនាទីស្មើនឹងបុរស
69
09-March-2019
ព័ត៌មាន​ថ្នាក់​ក្រោម​ជាតិ
តំណរភ្ជាប់

     ស្នងការនគរបាលខេត្តកំពង់ធំ រៀបចំពិធីអបអរសាទរ ខួបលើកទី១០៨ ទិវានារីអន្តរជាតិ ៨ មីនា
 ឆ្នាំ២០១៩ ក្រោមប្រធានបទ “លើកកម្ពស់សមភាពយេនឌ័រ និងការគាំពារសង្គមដើម្បីអភិវឌ្ឍន៍ធនធានមនុស្ស” ក្រោមអធិបតីភាព ឯកឧត្តម សុខ លូ អភិបាលខេត្តកំពង់ធំ និងលោកជំទាវ នារសៀលថ្ងៃទី០៨ ខែមីនា ឆ្នាំ២០១៩។

     លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ មានមតិស្វាគមន៍ជូនដល់គណៈអធិបតី និងកងកម្លំាំងរួចមក លោកស្រីវរសេនីយ៍ឯក កង កូយ ស្នងការរងនគរបាលខេត្ត បានអានព្រះរាជសារ ខួបលើកទី១០៨ ទិវានារីអន្តរជាតិ ៨ មីនា របស់សម្តេចព្រះមហាក្សត្រី នរោត្តម មុនីនាថ សីហនុ ព្រះវរាជមាតាជាតិខ្មែរ ក្នុងសេរីភាព សេចក្តីថ្លៃថ្នូ និងសុភមង្គល។

     ក្នុងពិធីនេះដែរ ឯកឧត្តម សុខ លូ បានកោតសរសើរដល់អង្គភាពស្នងការដ្ឋាននគរបាលខេត្តកំពង់ធំ ដែលបានយកចិត្តទុកដាក់លើស្រ្តីដែលជាកម្លាំងនគរបាលជាតិ ក្នុងការលើកកម្ពស់សមភាពយេនឌ័រ និងតម្លៃស្រ្តីខ្មែរ ឲ្យមានកិត្តិយសខ្ពង់ខ្ពស់ បង្កើនការលើកកម្ពស់សិទ្ធនារី ឲ្យស្មើមុខស្មើមាត់ និងបុរស។ ទទ្ទឹមនឹងនោះ ឯកឧត្តម មានការជំរុញលើកទឹកចិត្តដល់ស្ត្រីជាកងកម្លាំងនគរបាលជាតិ បានចូលកាន់តួនាទីក្នុងមុខតំណែងជាថ្នាក់ដឹកនាំក្នុងអង្គភាពនីមួយៗ យ៉ាងតិចមានស្ត្រីម្នាក់ មានតួនាទីស្មើនឹងបុរស ក្នុងកិច្ចការអភិវឌ្ឍន៍សង្គម និងប្រទេសជាតិ ហើយមិនត្រូវប្រៀបធៀបសមត្ថភាពស្រ្តី ទៅនឹងបុរសនោះទេ។ មិនតែប៉ុណ្ណោះ យើងត្រូវចាត់ទុកថា ថ្ងៃ ៨ មីនា ជាថ្ងៃសិទ្ធិនារី មិនមែនមានតែមួយថ្ងៃនេះទេ គឺមានរហូត ដោយស្ត្រីគ្រប់រូបទទួលបានសិទ្ធិស្មើភាពគ្នាជាមួយ និងបុរស ហើយត្រូវរួមគ្នាជៀស វាងដាច់ខាតនូវគ្រប់រូបភាពនៃការប្រើប្រាស់អំពើហិង្សាលើស្រ្តី។

      ជាមួយគ្នានោះដែរ ឯកឧត្តម បានស្នើសុំដល់កងកម្លាំងទាំងអស់ ត្រូវគោរពនូវវិន័យ បទបញ្ហាផ្ទៃក្នុង ឲ្យបានម៉ឺងម៉ាត់ ជាពិសេសត្រូវមានកត្តាសាមគ្គីភាព ឯកភាពផ្ទៃក្នុងឲ្យបានល្អ ខិតបំពេញតួនាទី ភារកិច្ច និងគោរពតាមបទបញ្ជារបស់ថ្នាក់លើដែលប្រគល់ឲ្យ។ លើសពីនេះទៀត ឯកឧត្តមបានបញ្ជាក់ថា ខេត្តកំពង់ធំឆ្នាំនេះ ក្នុងការអនុវត្តនូវគោលនយោបាយភូមិឃុំមានសុវត្ថិភាព យើងទទួលបាន បានលទ្ធផលល្អប្រសើរ ក្នុងការចូលរួមប្រឡងប្រណាំងទូទាំងប្រទេស ក្នុងនោះ ចំណាត់ថ្នាក់លេខ១ មានចំនួន ៦៤ឃុំ សង្កាត់ ចំណាត់ថ្នាក់លេខ២ ចំនួន ១៤ឃុំ សង្កាត់ ចំណាត់ថ្នាក់លេខ៣ ចំនួន ៣ឃុំ ៕មុនីរម្យ

 

ប្រភព៖ រដ្ឋបាលខេត្តកំពង់ធំ

thumbnail
thumbnail
thumbnail
thumbnail
thumbnail
thumbnail
thumbnail
thumbnail
អំពីក្រសួង
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។
ទំនាក់ទំនង
អាស័យដ្ឋាន: #275 ​ផ្លូវព្រះនរោត្តម, ក្រុងភ្នំពេញ
cambodia@interior.gov.kh
023 721 905 - 023 726 052 - 023 721 190
ប្រព័ន្ធ​ផ្សព្វ​ផ្សាយ
ទាញយកកម្មវិធីទូរស័ព្ទក្រសួងមហាផ្ទៃ
ឆ្នាំ 2023 - 2025 © រក្សាសិទ្ធិគ្រប់យ៉ាងដោយ ក្រសួងមហាផ្ទៃ