ប្រធានក្រុមប្រឹក្សាខេត្ត អញ្ជើញសម្ពោធអាគារសិក្សា១ខ្នង កម្ពស់២ជាន់ មាន៨បន្ទប់ និងសមិទ្ធផលនានា​ នៃអនុវិទ្យាល័យពោធិ៍បន្ទាយជ័យ
March 08, 2019 អ្នកទស្សនា :

     ំ នៅអនុវិទ្យាល័យពោធិ៍បន្ទាយជ័យ​ ស្ថិតក្នុងភូមិពោធិ៍បន្ទាយជ័យ សង្កាត់​សៀមរាប​ ក្រុងសៀមរាប ខេត្តសៀមរាប​ មានការសម្ពោធ​ដាក់ឱ្យប្រើប្រាស់ជាផ្លូវការអាគារសិក្សា១ខ្នង កម្ពស់២ជាន់ មាន៨ បន្ទប់ និងសមិទ្ធផលនានា​ ក្រោមអធិបតីភាព​ ឯកឧត្តម អ៊ឹង ហឿន ប្រធានក្រុមប្រឹក្សាខេត្ត​ និងលោក​ ពិន​ ប្រាកដ​ អភិបាលរងខេត្ត​ តំណាង​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​ ដោយមានការអញ្ជើញចូលរួមពីសំណាក់​ លោកស្រី សមាជិកក្រុមប្រឹក្សាខេត្ត​ លោកនាយក​ នាយករង​ ទីចាត់ការចំណុះសាលាខេត្ត​ លោក​ លោកស្រី​ ប្រធានមន្ទីរ​ អង្គភាព​ ជុំវិញខេត្ត​ លោកអភិបាលក្រុងសៀមរាប​ លោកចៅសង្កាត់​ មេភូមិ​ លោកគ្រូ​ អ្នកគ្រូ​ ក្មួយៗ​សិស្សា​នុ​សិ​ស្ស និងលោកយាយ លោ​ក​​តា​ និងបងប្អូន​​ប្រជាពលរដ្ឋ​​​ នារសៀលថ្ងៃព្រហស្បតិ៍ ២កើត ខែផល្គុន ឆ្នាំច សំរឹទ្ធិស័ក ព.ស ២៥៦២​ ត្រូវនឹងថ្ងៃទី០៧ ខែមីនា ឆ្នាំ ២០១៩​។

      ក្នុងការសម្ពោធដាក់ឱ្យប្រើប្រាស់ជាផ្លូវការអាគារសិក្សា១ខ្នង កម្ពស់២ជាន់ មាន៨បន្ទប់​ និងរូប​សំណាកព្រះបាទជ័យ​វ​រ័​ន្ម​ទី៧ រូបសំណាកសម្តេចសង្ឃ ជូន ណាត និងរូបសំណាកព្រះភិរ​ម្យ​ភាសាអ៊ូ ហៅលោកតាក្រមង៉ុយ​​ លោកអភិបាលរងខេត្ត​ ក៏បានធ្វើការកោត​សរសើរ និ​ងវាយ​តម្លៃ​​ខ្ព​ស់​ចំពោះព្រះសង្ឃ និងសប្បុរសជននានា ដែលបាន​បរិច្ចាគ​នូវ​ទ្រព្យសម្បត្តិផ្ទាល់​ខ្លួន ក្នុងការកសាងអាគារសិក្សានេះ​ សម្រាប់ជួយ​សម្រួលដល់ការសិក្សា​រៀន​​​​សូត្រ​របស់ក្មួយៗ ប្អូនៗ​​សិស្សានុសិស្ស និង​លោកគ្រូ-​អ្នកគ្រូ ក្នុងការ​បណ្តុះ​បណ្តាល​​​​​​​​​​​​​​​​​​​​​​​​​​​​​​​​​​​​កុមារ និ​ង​​យុវជនជំនាន់​ក្រោយ​​ឱ្យក្លាយជាទំពាំង​ស្នងឫស្សីដ៏រឹង​មាំ ​​​​​​​​​​​​​​​​​​​​​​​​​​​​​​និង​ជា​​សសរ​ទ្រូ​ង​​របស់​ប្រទេស​ជា​តិ​​នាពេលអនាគត។​ លោកក៏បានអំពាវ​នាវ ដ​ល់​​​បង​ប្អូនប្រជាពលរដ្ឋ លោកគ្រូ អ្នកគ្រូ សិស្សានុសិស្ស ដែល​ទទួ​ល​​បាន​​​សមិទ្ធផលទាំងនេះ សូមប្រើ​ប្រាស់​ឱ្យចំគោលដៅ ដើម្បីជា​ប្រយោ​ជ​ន៍​​​​​រួ​ម​​ក្នុងសហគមន៍​របស់​ខ្លួន ​និង​សូមមេត្តាជួយថែ​រក្សា​សម្បត្តិ​​ទាំង​នេះ សម្រា​​​​ប់​​​ជា​​មរតក​ដល់កូន​ចៅ​ជំនាន់​ក្រោយៗទៀត៕ រតនា

 

ប្រភព៖ រដ្ឋបាលខេត្តសៀមរាប

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ