អភិបាលខេត្តកំពត សំណូមពរពលរដ្ឋគ្រប់រូប លើកកម្ពស់សីលធម៌ វប្បធម៌អហិង្សា ក្នុងគ្រួសារ និងសង្គម តាមរយៈការអប់រំទូន្មាន ដើម្បីឲ្យក្លាយជាកូនល្អ សិស្សល្អ ពលរដ្ឋល្អ ជៀសផុតគ្រឿងញៀន និងអនុវត្តគោលនយោបាយភូមិឃុំមានសុវត្ថិភាព ក្នុងឱកាសទិវាអន្តរជាតិនារី ០៨មីនា
March 07, 2019 អ្នកទស្សនា :

      ព្រឹកថ្ងៃទី ០៧ ខែមីនា ឆ្នាំ២០១៩ រដ្ឋបាលខេត្តកំពត រៀបចំមិទ្ទិញអបអរសាទរខួបលើកទី ១០៨ ទិវាអន្តរជាតិនារី ០៨មីនា ឆ្នាំ២០១៩ ក្រោមប្រធានបទ " លើកកម្ពស់សមភាពយេនឌ័រ និងការគាំពារសង្គម ដើម្បីអភិវឌ្ឍន៍ធនធានមនុស្ស" ក្រោមអធិបតីភាព ឯកឧត្តម ជាវ តាយ អភិបាលនៃគណ:អភិបាលខេត្តកំពត និងលោកជំទាវ ព្រមទាំង ឯកឧត្តម អ៉ឹង ម៉េងហួរ ប្រធានក្រុមប្រឹក្សាខេត្ត និងលោកជំទាវ។ សមាសភាពអញ្ជើញចូលរួមមាន៖ ឯកឧត្តម លោកជំទាវក្រុមប្រឹក្សាខេត្ត ឯកឧត្តម លោកជំទាវអភិបាលរងខេត្ត សាលាដំបូងខេត្ត នាយក នាយករងរដ្ឋបាល អង្គភាពចំណុះសាលាខេត្ត មន្ទីរអង្គភាពជុំវិញខេត្តសរុបចំនួន ១៤០០នាក់។

      មានប្រសាសន៍សំណេះសំណាល ក្នុងឱកាសនោះ ឯកឧត្តម ជាវ តាយ បានលើកឡើងថា ការប្រារព្ធទិវាអន្តរជាតិនារី ៨មីនា នេះគឺ ដើម្បីរំលឹកវីរភាព នៃការតស៊ូរបស់នារីទូទាំងសកលលោក ក្នុងការទាមទារឲ្យមានការលើកកម្ពស់សិទ្ធិសេរីភាពប្រជាធិបតេយ្យ និងការអនុវត្តសិទ្ធស្មើរភាពរវាងបុរស និងស្រ្តី។ ឯកឧត្តមអភិបាលខេត្ត បានសំណូមពរអោយ កូនចៅ អាណាព្យាបាលទាំងអស់លើកកម្ពស់សីលធម៌សង្គម វប្បធម៌អហិង្សា នៅក្នុងគ្រួសារ និងសង្គម តាមរយៈការអប់រំទូន្មានប្រៀនប្រដៅ ដោយរៀបចំខ្លួនឲ្យក្លាយជាកូនល្អ សិស្សល្អ ពលរដ្ឋល្អ ជៀសឆ្ងាយពីគ្រឿងញៀន គ្រឿងស្រវឹង អំពើហិង្សា ដោយប្រកាន់ខ្ជាប់ខ្ជួននូវសីលធម៌ សុជីវធម៌ និងអនុវត្តគោលនយោបាយភូមិឃុំមានសុវត្ថិភាព។

       ក្នុងនោះដែរ ក៏មានការចូលរួមថវិកា ពីរដ្ឋបាលខេត្ត រដ្ឋបាលក្រុងស្រុក មន្ទីរអង្គភាពជុំវិញខេត្ត កងម្លាំងគ្រប់ប្រភេទ បានឧបត្ថម្ភដល់សមាជិសមាជិកា ជាស្ត្រី ចំនួន ១២៥៧នាក់ ក្នុងម្នាក់ៗទទួលបាន៥ម៉ឺនរៀល សរុប ៦២,៨៥០,០០០រៀល៕មុនីរម្យ


ប្រភព៖ រដ្ឋបាលខេត្តកំពត

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ