លោក ស្រេង ហុង អភិបាលស្តីទីខេត្តកោះកុង បានអញ្ជើញជាអធិបតី ក្នុងពិធីទស្សនកិច្ចសិក្សា និងផ្លាស់ប្តូរបទពិសោធន៍ផ្នែកភាសាខ្មែរ រវាងវិទ្យាល័យកោះកុង និងវិទ្យាល័យខ្លងយ៉ៃវិទ្យាគម នៅវិទ្យាល័យកោះកុង កាលពីថ្ងៃអង្គារ ៨កើត ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១២ ខែកុម្ភៈ ឆ្នាំ២០១៩។

      លោកអភិបាលខេត្តស្តីទី សូមស្វាគមន៍ចំពោះកិច្ចសហការ រវាងសិស្សានុសិស្ស និងសិស្សានុសិស្ស លោកគ្រូ អ្នកគ្រូ ក្នុងការដកស្រង់បទពិសោធន៍ការសិក្សា និងបទពិសោធន៍ នៃការបង្រៀនសិស្ស ពីគ្នាទៅវិញទៅមក សូមអោយកិច្ចសហការទទួលបានជោគជ័យ ជាផ្លែផ្កា និងបទពិសោធន៍ល្អៗ ព្រមទាំងបន្តរក្សាអោយបានគង់វង្ស។ កន្លងមកបងប្អូនប្រជាពលរដ្ឋនៅខេត្ត ជាប់ព្រំដែន តែងតែមានទំនាក់ទំនង និងរកស៊ីបានល្អប្រសើរ ថ្នាក់ដឹកនាំស្រុក ខេត្ត ក៏មានកិច្ចសហការ ជាមួយស្រុក ខេត្ត ដែលជាប់ព្រំដែនជាប្រចាំ និងមានកិច្ចសហប្រតិបត្តិការដ៏ល្អ ជាមួយគ្នា សូមអោយកិច្ចសហការ រវាងប្រជាជន និងប្រជាជន ដើម្បីការអភិវឌ្ឍ និងរីកចំរើន នៅតាមបន្ទាត់ព្រំដែន៕ រតនា

ប្រភព៖ រដ្ឋបាលខេត្តកោះកុង