អាជ្ញាធរខេត្តកំពង់ស្ពឺ ចុះពិនិត្យទីតាំងគ្រាប់បែក M177 និងបន្តចុះសិក្សារកវិធានការដើម្បីត្រៀមថែរក្សាទឹកទុកសម្រាប់រដូវប្រាំងខាងមុខ
February 12, 2019 អ្នកទស្សនា :

      នាព្រឹកថ្ងៃអង្គារ ១២កើត ខែមាឃ ឆ្នាំច សំរិទ្ធស័ក ព.ស២៥៦២ ត្រូវនឹងថ្ងៃទី១២ ខែកុម្ភៈ ឆ្នាំ២០១៩ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញចុះពិនិត្យទីតាំងគ្រាប់បែកប្រភេទ M177 ទម្ងន់ជាង ៣០០គីឡូក្រាម ដែលរកឃើញនៅឃុំព្រៃវិហារ ស្រុកគងពិសី ។ គ្រាប់បែក M177 គឺជា​ប្រភេទ​គ្រាប់​ដែលផលិត​ដោយ​សហរដ្ឋអាមេរិក​ និង​ត្រូវ​បាន​យក​មក​ទម្លាក់​លើ​ទឹកដី​កម្ពុជា​ ក្នុង​អតីត​ជំនាន់​សង្គ្រាមស៊ីវិល​ដែល​ចាប់ផ្តើម​ដំបូង​ដោយ​ការ​ធ្វើ​រដ្ឋប្រហារ​ថ្ងៃ​១៨​ ខែមីនា​ ឆ្នាំ​១៩៧០​ ដែលគាំទ្រ​ដោយ​សហរដ្ឋអាមេរិក​។​

      ឯកឧត្តម វ៉ី សំណាង អភិបាល នៃគណៈអភិបាលខេត្ត ក៏បាន​អំពាវនាវ​ដល់​ប្រជាពលរដ្ឋ​ ដែល​ប្រទះ​ឃើញ​គ្រាប់បែក​ប្រភេទ​នេះ​ ឬ​អាវុធ​ជាតិ​ផ្ទុះ​ ផ្សេងៗ​ទៀត​ សូមកុំ​ប្រថុយ​ ចាប់​ កាន់​ ដំ​លេង​ ឬ​ដឹក​ជញ្ជូន​ដោយ​ខ្លួនឯង​ ព្រោះ​អាច​បង្ក​ឲ្យ​មាន​គ្រោះថ្នាក់​បាត់បង់​ដល់​អាយុជីវិត​។​

      ឆ្លៀតឱកាសនោះដែរ ឯកឧត្តម វ៉ី សំណាង អភិបាល នៃគណៈអភិបាលខេត្ត ក៏បានបន្តដំណើរចុះពិនិត្យទំនប់ទឹកចំការដូងផងដែរ ដើម្បីត្រៀមចាត់វិធានការថែរក្សាទឹកទុកឲ្យបានល្អ ដោយសាររដូវប្រាំងឆ្នាំ២០១៩នេះ កម្ពុជានឹងទទួលឥទ្ធិពលបាតុភូត បង្កអាកាសធាតុក្តៅហួតហែងខ្លាំង ជាពិសេសក្នុងអំឡុងខែមេសា និងឧសភា កម្តៅនឹងហក់ឡើងដល់ ៤០ ទៅ៤២អង្សា ដោយសារតែការរងដោយប្រយោលនៃឥទ្ធិពលបាតុភូតអែលនីណូ (El Nino) នេះ ទើបរាជរដ្ឋាភិបាល បានអំពាវនាវដល់អាជ្ញាធរ និងប្រជាពលរដ្ឋត្រូវចាត់វិធានការថែររក្សាទឹកទុកសម្រាប់ប្រើប្រាស់៕ រតនា

ប្រភព៖ រដ្ឋបាលខេត្តកំពង់ស្ពឺ

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ