នៅព្រឹកថ្ងៃចន្ទ ៧ កើត ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១១ ខែកុម្ភៈ ឆ្នាំ២០១៩ លោក ផៃធូន ផ្លាមកេសន អភិបាលរង នៃគណៈអភិបាលខេត្តកោះកុង បានអញ្ជើញ ជាគណៈអធិបតី ក្នុងពិធីបើកការត្រួតពិនិត្យ ផ្គូរផ្គងបញ្ជីសារពើភ័ណ្ឌ (តារាងប្រៀបធៀបកើនឡើង ថយចុះទ្រព្យសម្បត្តិរដ្ឋ ឆ្នាំ២០១៨)។
ក្នុងឱកាសនេះ លោកអភិបាលរងខេត្ត បានគូសបញ្ជាក់ ជូនប្រធានអង្គភាពទាំងអស់មេត្តាយកចិត្តទុកដាក់ និងពិនិត្យមើលទ្រព្យសម្បត្តិទាំងឡាយ ដែលជាសារពើភ័ណ្ឌរបស់រដ្ឋ និងជារបស់អង្គភាព ធ្វើយ៉ាងណា ចុះបញ្ជីឱ្យបានគ្រប់ចំនួន ដោយស្របទៅតាមច្បាប់ សារាចរ សេចក្តីណែនាំ និងនីតិវិធី របស់ក្រសួងសេដ្ឋកិច្ច និងហិរញ្ញវត្ថុ៕អែមមី
ប្រភព៖រដ្ឋបាលខេត្តកោះកុង