នាព្រឹកថ្ងៃអង្គារ ១រោច ខែមិគសិរ ឆ្នាំច សំរឹទ្ធិស័កពុទ្ធសករាជ ២៥៦២ ត្រូវនឹងថ្ងៃទី ២៥ ខែធ្នូ ឆ្នាំ ២០១៨ មានកិច្ចប្រជុំស្តីពីការត្រួតពិនិត្យឡើងវិញលើការអនុវត្ត និងការគ្រប់គ្រងផ្សារគ្រប់ប្រភេទ ដោយគណៈជីវករផ្សារ នៅក្នុងខេត្តកំពង់ចាមក្រោមអធិបតីភាព ឯកឧត្តម គួច ចំរើន អភិបាលនៃគណៈអភិបាលខេត្តកំពង់ចាម និងមានការអញ្ជើញចូលរួមពី ឯកឧត្តម អភិបាលរង ខេត្ត លោក លោកស្រី ប្រធាន អនុប្រធាន មន្ទីរអង្គភាពពាក់ព័ន្ធួ នឹងគណអាជីវកផ្សារ ទូទាំងខេត្តកំពង់ចាមចូលរមផងដែរ។

            ឯកឧត្ដម គួច ចំរើន អភិបាលខេត្តកំពង់ចាមបានមានប្រសាសន៍ថា ការងារគ្រប់គ្រងផ្សារពិតជាការងារពិបាក វាមិនងាយស្រួលដូចការគិតនោះទេ ដោយឡែកការងារនេះប្រសិនបើគណអាជីវកផ្សារ ដែលធ្វើការបាលល្អ នោះនៅអាណត្តិបោះឆ្នោតគ្រប់គ្រងផ្សារដែលធ្វើរៀងរាល់៣ឆ្នាំម្តងនោះ អស់លោក លោកស្រី នឹងមានឱកាស រឺក៏មានប្រជាប្រិយភាព ដើម្បីឈានទៅទទួលបានសម្លេងនៃការបោះឆ្នោតជ្រើសរើសគណអាជីវកពេលក្រោយ។

             ឯកឧត្តមក៏បាន ស្នេីឱ្យគណ:អាជីវករត្រូវខិតខំ ប្រឹងប្រែងដឹកនាំគ្រប់គ្រងផ្សារ កសាងផ្សារ ឲ្យរីកចម្រេីន អភិវឌ្ឍន៍ ជាពិសេសលេីបរិស្ថាន អនាម័យ សណ្តាប់ធ្នាប់ និងភាស៉ីទីផ្សារចង្អៀត (ម៉ូតូ កង់) ជាដេីម ព្រោះខេត្ត កំពង់ចាម ជាខេត្តមួយដែលរាជរដ្ឋាភិបាលកម្ពុជា បាន ប្រគល់ផ្សារឲ្យទៅគណ:អាជីវករដឹកនាំ លែងមាន ការដេញថ្លៃគ្នាវិនិយោគតទៅទៀតហើយ៕ មុនីរម្យ

ប្រភព៖ រដ្ឋបាលខេត្តកំពង់ចាម