លោកជំទាវ មិថុនា ភូថង អភិបាល នៃគណៈអភិបាល ខេត្ដកោះកុង កាលពីថ្ងៃអាទិត្យ ៣រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៥ ខែវិច្ឆិកា ឆ្នាំ២០១៨ម្សិលមិញនេះ បានអញ្ជើញស្វាគមន៍ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធាន គណ:កម្មការអន្តរក្រសួងក្នុងកិច្ចប្រជុំពិភាក្សាការងាររៀបចំពិធីបុណ្យសមុទ្រលើកទី៧ ជុំទី២ ឆ្នាំ២០១៨។
លោកជំទាវ បានថ្លែងអំណរគុណ ឯកឧត្តម លោកជំទាវ ជាប្រតិភូគណ:កម្មការអន្តរក្រសួង ឯកឧត្តម លោក លោកស្រី ក្រុមការងារថ្នាក់ខេត្ត ក្រុង ស្រុក និងមន្ទីរ អង្គភាពពាក់ព័ន្ធ ក្នុងខេត្តកោះកុង ដែលបានខិតខំបំពេញការងារស្របតាមតួនាទី ភារៈកិច្ចរៀងៗ ដើម្បីអោយការងារបានសម្រេចតាមផែនការ ដែលបានគ្រោងទុក ព្រមទាំងគាំទ្រ ជម្រុញ និងសហការប្រកបដោយស្មារតីទទួលខុសត្រូវខ្ពស់ ធ្វើយ៉ាងណាអោយពិធីបុណ្យនាពេលខាងមុខសម្រេចតាមការរំពឹងទុក៕សិដ្ឋ
ប្រភព៖ រដ្ឋបាលខេត្តកោះកុង
