នៅព្រឹកថ្ងៃអង្គារ ១៣កើត ខែកត្ដិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២០ ខែវិច្ឆិកា ឆ្នាំ​២០១៨ រដ្ឋបាលខេត្តស្វាយរៀង រៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង លើកទី៥ អាណត្តិទី២ នៅវត្តពោធី៍ថ្មី សង្កាត់បាវិត ក្រុងបាវិត ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងលោក ហែម ពិសិដ្ឋ អភិបាលរងខេត្តស្វាយរៀង ព្រមទាំងមានការអញ្ជើញចូលរួមពីសមាជិកក្រុមប្រឹក្សាខេត្ត ប្រធានមន្ទីរ-អង្គភាពនានា ប្រធានក្រុមប្រឹក្សា និងស​មាជិកក្រុមប្រឹក្សាក្រុង គណៈអភិបាលក្រុង នាយកទីចាត់ការ/ប្រធានអង្គភាពចំណុះសាលាខេត្ត តំ​ណាងកងកម្លាំង ប្រធានការិយាល័យជំនាញនានាជុំវិញស្រុក លោក លោកស្រី ប្រធាន និងសមា​ជិកក្រុមប្រឹក្សាសង្កាត់ អង្គការសង្គមស៊ីវិល ព្រមទាំងប្រជាពលរដ្ឋនៅក្នុងក្រុងស្វាយរៀង ប្រមាណ ២០០នាក់។

     វេទិកានេះផ្ដោតលើប្រធានបទសំខាន់ៗមួយចំនួន ដូចជា៖ ១.ការអនុវត្តគោលនយោបាយភូមិ ឃុំ មានសុវត្ថិភាព(ផ្ដោតទៅលើបញ្ហាចរាចរណ៍ និងការប្រើប្រាស់គ្រឿងញៀនខុសច្បាប់) ២.ការងារអភិ​វឌ្ឍន៍មូលដ្ឋាន ការផ្ដល់សេវាសាធារណៈ ៣.ការធ្វើអត្តសញ្ញាណប័ណ្ណ ការងារអត្រានុកូលដ្ឋាន បរិ​ស្ថាន អនាម័យ ជនអន្តោប្រវេសន៍ ការងារដីធ្លី និងការសាងសង់សំណង់ផ្សេងៗ៕សិដ្ឋ

ប្រភព៖ រដ្ឋបាលខេត្តស្វាយរៀង