កាលពីល្ងាចថ្ងៃព្រហស្បតិ៍ ៨កើត ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែវិច្ចិកា ឆ្នាំ២០១៨ម្សិលមិញនេះ លោកឧត្តមសេនីយ៍ត្រី បែន តារា ស្នងការនគរបាលខេត្តកែប បានចូលរួម និងចាត់តាំងកំលាំងការពារសន្តិសុខ សណ្តាប់ធ្នាប់ក្នុងពិធីបិទការបោះជំរំយុវជនថ្នាក់ជាតិលើកទី២០ ឆ្នាំ២០១៨ មានរយៈពេល៥ថ្ងៃលើទឹកដីខេត្តកែប ក្រោមប្រធានបទ “ យុវជនក្រោមម្លប់សន្តិភាពនិងបរិបទជំនាញសតវត្សរ៍ទី២១ ” និងបានផ្ដល់រង្វន់ជ័យលាភីជូនដល់ក្រុមយុវជនដែលទទួលបានចំណាត់ថ្នាក់លេខ ១-៣ ក្រោមអធិបតីភាព ឯកឧត្ដម សេរី ជំនះ អនុរដ្ឋលេខាធិការក្រសួងអបរំយុវជន និងកីឡា ឯកឧត្ដម កែន សត្ថា អភិបាលនៃគណៈអភិបាលខេត្ត ដោយមានឯកឧត្ដម លោកជំទាវ អភិបាលរងខេត្ត ប្រតិភូដឹកនាំយុវជនទាំង ២៥ខេត្ត រាជធានី មន្ត្រីរាជការ កងកំលាំងប្រដាប់អាវុធ ប្រធាន អនុប្រធានមន្ទីរអង្គភាពជុំវិញខេត្ត អភិបាល អភិបាលរងក្រុងស្រុក លោកគ្រូ អ្នកគ្រូ ក្មួយៗសិក្សានុសិស្ស សរុបប្រមាណជិត៥០០នាក់ អញ្ជើញចូលរួមផងដែរ។ ពិធីនេះប្រារព្ធធ្វើឡើងនៅពហុកីឡាដ្ឋានខេត្តកែប ស្ថិតនៅភូមិថ្មី សង្កាត់ព្រៃធំ ក្រុង/ខេត្តកែប មានរបៀបរៀបរយ និងសុវត្ថិភាពល្អ៕ រតនា
ប្រភព៖ ស្នងការនគរបាលខេត្តកែប
