ថ្ងៃព្រហស្បតិ៍ ១ កើត ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨ ខែវិច្ឆិកា ឆ្នាំ២០១៨ លោក សុខ សុទ្ធី អភិបាលរង ខេត្តកោះកុង បានអញ្ជើញ ដឹកនាំកិច្ចប្រជុំសម្របសម្រួលការធ្វើបាតុកម្ម នៅទីស្នាក់ការអង្គការសម្ព័ន្ធមិត្តសត្វព្រៃ នៅឃុំត្រពាំងរូង ស្រុកកោះកុង។
លោកអភិបាលរងខេត្ត បានលើកឡើងថាគោលបំណង នៃកិច្ចប្រជុំដើម្បីសម្របសម្រួល រវាងប្រជាពលរដ្ឋ និងអង្គការសម្ព័ន្ធមិត្តសត្វព្រៃ លើករណី អង្គការបានកាប់ដំណាំប្រជាពលរដ្ឋ កាលពីថ្ងៃទី០៦ ខែវិច្ឆិកា នៅឃុំត្រពាំងរូង ស្រុកកោះកុង ដែលជាលទ្ធផលកិច្ចប្រជុំបានឯកភាព : ១-ប្រជាពលរដ្ឋព្រមទទួលយកថវិកា ដើម្បីប៉ះពាល់ផ្លូវចិត្តក្នុងការធ្វើអោយខូចផលដំណាំ, ២-អង្គការមិនប្តឹងប្រជាពលរដ្ឋ(បាតុករ) ទៅតុលាការទេ, ៣-អង្គការមិនទាមទារ អោយសងការខូចខាត នៅទីស្នាក់ការទេ, ៤-ប្រជាពលរដ្ឋមិនត្រូវបង្កបង្កើតផលនៅលើទីតាំងដីទំនាស់នោះទៀតទេ៕គឹមអាន
ប្រភព៖ រដ្ឋបាលខេត្តកោះកុង