នៅថ្ងៃទី៣១​ ខែមករា​ ឆ្នាំ​២០២៣ ឯកឧត្តម​ អ៊ុំ​ រាត្រី អភិបាល​ នៃគណៈអភិបាលខេត្តបន្ទាយមានជ័យ ព្រមទាំងថ្នាក់ដឹកនាំ មន្ត្រីរាជការសាលាខេត្ត បានទទួលជួបសម្ដែងការគួរសមជាមួយ អភិបាលក្រុង WOIPPY ប្រទេសបារាំង និងសមាគមកុមារជ័យ​។

ក្នុងជំនួបនោះដែរ ឯកឧត្តមអភិបាលខេត្ត បានសម្តែងការស្វាគមន៍ និងជម្រាបជូនប្រតិភូទាំងអស់អំពីរបាយការណ៍ទូទៅរបស់រដ្ឋបាលខេត្ត សក្តានុពល វិស័យការងារសំខាន់របស់ខេត្ត។

ឯកឧត្តមអភិបាលខេត្ត ក៏បានថ្លែងអំណរគុណដល់អភិបាលក្រុង WOIPPY ប្រទេសបារាំង និងសមាគមកុមារជ័យ​ ដែលជានិច្ចកាលតែងជួយឧបត្ថម្ភគាំទ្រដល់ការសិក្សាភាសាបារាំងនៅក្នុងវិទ្យាល័យ ហ៊ុន សែន ខ្លាកូន តាំងពីដើម រហូតមកដល់ពេលបច្ចុប្បន្ននេះ៕

ប្រភព៖ រដ្ឋបាលខេត្តបន្ទាយមានជ័យ