នាថ្ងៃពុធ ទី៧ ខែធ្នូ ឆ្នាំ២០២២ ថ្នាក់ដឹកនាំខេត្តកោះកុង អញ្ជើញជាអធិបតី ក្នុងពិធីបើកសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល នៅស្រុកស្រែអំបិល ខេត្តកោះកុង ក្រោមអធិបតីភាពបណ្ឌិត អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង។

សិក្ខាសាលាសមាហរណកម្មតាមបណ្តាក្រុង ស្រុក ធ្វើឡើងដើម្បីជាប្រយោជន៍ដល់អ្នកពាក់ព័ន្ធទាំងអស់ ក្នុងការតាមដានត្រួតពិនិត្យ ការគាំទ្រ បង្ហាញពីវឌ្ឍនភាព និងការបន្ស៊ីគ្នា នៃគម្រោងនានា ក្នុងឆ្នាំកន្លងមក ក្នុងគោលបំណងឆ្លុះបញ្ចាំងទៅនឹងចក្ខុវិស័យ គោលដៅ គោលបំណង និងយុទ្ធសាស្រ្តអភិវឌ្ឍន៍រយៈពេល៥ឆ្នាំស្រុក និងខេត្ត (២០២០-២០២៤) ដើម្បីបំពេញតម្រូវការ និងការផ្តល់សេវា ជូនប្រជាពលរដ្ឋកាន់តែល្អប្រសើរ។

ដូចនេះសិក្ខាសាលានាពេលនេះ នឹងបង្ហាញជូននៅលទ្ធផល នៃការអនុវត្តគម្រោងនានា របស់រដ្ឋបាលស្រុក ឃុំ វិស័យពាក់ព័ន្ធនានា ក្នុងដែនសមត្ថកិច្ចរបស់ស្រុក និងសូមឱ្យដំណើរការរៀបចំសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២២-២០២៤) នៅថ្នាក់ស្រុកនេះ ត្រូវបានអនុវត្តប្រកបដោយតម្លាភាព មានការចូលរួម មានសង្គតិភាព និង ពិសេសគឺអនុវត្តតាមគោលការណ៍ នៃការរៀបចំ និងកសាងកម្មវិធីវិនិយោគបីឆ្នាំរំកិល របស់បណ្តារដ្ឋបាលថ្នាក់ក្រោមជាតិ៕

ប្រភព៖ រដ្ឋបាលខេត្តកោះកុង