នាថ្ងៃពុធ ទី២៣ ខែវិច្ឆិកា ឆ្នាំ២០២២ ថ្នាក់ដឹកនាំខេត្តកោះកុង អញ្ជើញដឹកនាំកិច្ចប្រជុំពាក់ព័ន្ធនឹងទីតាំងប្រវត្តិសាស្ត្រយោធា ក្នុងភូមិសាស្ត្រខេត្តកោះកុង ក្រោមអធិបតីភាព លោក សុខ សុទ្ធី អភិបាលរង នៃគណៈអភិបាលខេត្តកោះកុង។

លោក សុខ សុទ្ធី អភិបាលរង នៃគណៈអភិបាលខេត្តកោះកុង ដោយមានការណែនាំ និងអនុញ្ញាតពីលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញដឹកនាំកិច្ចប្រជុំពាក់ព័ន្ធនឹងទីតាំងប្រវត្តិសាស្ត្រយោធា ក្នុងភូមិសាស្ត្រខេត្តកោះកុង។

បច្ចុប្បន្ននេះទីតាំងប្រវត្តិសាស្ត្រយោធា ក្នុងភូមិសាស្ត្រខេត្តកោះកុង ដែលក្រុមការងារតំបន់ប្រវត្តិសាស្ត្រយោធា បានកំណត់ទីតាំងរួច មានចំនួន ១៧ទីតាំង រួមមាននៅក្នុងស្រុកកោះកុង ស្រុកមណ្ឌលសីមា និងស្រុកគិរីសាគរ។ នៅក្នុងកិច្ចប្រជុំពិភាក្សានេះ លោក សុខ សុទ្ធី បានណែនាំឱ្យលោក កែវ វិចិត្រ នាយសេនាធិការតំបន់ប្រតិបត្តិការសឹករងកោះកុង ដឹកនាំក្រុមការងារ ដោយមានការចូលរួមសហការពីរដ្ឋបាលស្រុក មេឃុំ មេភូមិ និងមន្ទីរបរិស្ថាន ដើម្បីចុះចុចយកនិយាមកា និងតំឡើងផែនទីបង្ហាញទីតាំងដីតំបន់ប្រវត្តិសាស្ត្រយោធា៕

ប្រភព៖ រដ្ឋបាលខេត្តកោះកុង