តាកែវ៖ នៅសាលប្រជុំរដ្ឋបាលស្រុកអង្គរបូរី នាព្រឹកថ្ងៃចន្ទ ទី១៩ ខែកញ្ញា ឆ្នាំ២០២២ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញប្រកាសចូលកាន់តំណែងជាផ្លូវការ អភិបាល នៃគណៈអភិបាលស្រុកអង្គរបូរី។

ដែលពិធីនេះក៏មានការអញ្ជើញចូលរួមដោយ លោកអភិបាលរងខេត្ត  លោក លោកស្រីប្រធានមន្ទីរអង្គភាពពាក់ព័ន្ធ លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត លោកឧត្តមសេនីយ៍ត្រី ស្នងការរងនគរបាលខេត្ត និងលោកប្រធាន សមាជិកក្រុមប្រឹក្សាស្រុក លោក លោកស្រី អភិបាលរងស្រុក លោកអធិការនគរបាលស្រុក លោកមេបញ្ជាការកងរាជអាវុធហត្ថមូលដ្ឋានស្រុក លោកមេបញ្ជាការផ្នែកសឹករងស្រុក និងលោក លោកស្រី មន្ត្រីរាជការចំណុះរដ្ឋបាលស្រុកជាច្រើនកុះករ។

សូមជម្រាបជូនដែរ សម្ដេចអគ្គមហាសេនាធិបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញអនុក្រឹត្យសម្រេចផ្លាស់ប្ដូរ លោក ឌឹម គឹមសាន ពី អភិបាលស្រុកអង្គរបូរី មកជា អភិបាលស្រុកព្រៃកប្បាស ជំនួស លោក ញ៉ែម ស្រស់ ត្រូវបានតែងតាំងជា អភិបាលរង នៃគណៈអភិបាលខេត្តតាកែវ៕

ប្រភព៖ រដ្ឋបាលខេត្តតាកែវ